Osy aptada Bala qūqyqtary jönındegı uäkıl Arujan Saiyn feisbukte 2017-2019 jyldary aralyǧynda «111» Sall-ortalyǧyna bölıngen 533 630 000 teŋge şyǧynnyŋ qaida jūmsalǧanyna kümänmen qaraitynyn jazǧan bolatyn. Būl mäselege būrynǧy balalar ombudsmenı Zaǧipa Balieva jauap berdı, dep habarlaidy "Adyrna" ūlttyq portaly «Azattyq Ruhy» saityna sılteme jasap.
Arujan Saiynnyŋ sözınşe, qazırgı mäjılıs deputaty būrynǧy qyzmetınde biudjetı mol «150» call-ortalyǧyna jetekşılık etken Zülfiia Baisaqovanyŋ köptegen aryzdaryn jauapsyz qaldyrǧan. Al būl öz kezegınde ortalyqtardy bırıktırıp, bırlesken qyzmet körsetu türın ūsynsaq degen nietten tuǧan.
«Bırınşıden, «150» telefony «Daǧdarys ortalyqtary odaǧyna» tiesılı boldy. Eldegı jäbır köruşı balalarǧa, jastarǧa, tūrmystyq zorlyq-zombylyq körgen äielderge qyzmet körsettı. Ekınşıden, men ol jerdıŋ tehnikalyq mümkınşılıgın eskerdım. Ekı bölmede, 2 kündızgı, 1 tüngı kezektegı operatorlar bar ekenın körıp, olar būndai qarqynmen elımızdegı 6 million jas pen jasöspırımge qyzmet körsete almaitynyn bıldım. Onyŋ üstıne qūrylǧylar eskı bolatyn. Sondyqtan balalarǧa arnalǧan jaŋa senım telefonyn aşu mäselesın jan-jaqty qarastyrdyq. «111» call-ortalyǧynda kün-tün demei 30 operator jūmys jasady. «150» nömırın alǧanda, bärıbır de ol jerdegı ştattyŋ auqymyn keŋeituge tura keler edı. 3 operator jūmys atqarǧan ortalyqtyŋ jūmysyna jylyna 20 mln teŋge jūmsalsa, ştatty ülkeitken jaǧdaida jyldyq şyǧyn bärıbır de 10 esege, iaǧni 200 mln teŋgege deiın ūlǧaiar edı,-dedı Zaǧipa Balieva.
Ol bölıngen 533 mln teŋgenıŋ dalaǧa jūmsalmaǧanyn senımmen aitty. «Tıptı, bır balanyŋ ömırın saqtai alǧan bolsaq, onyŋ özı köpke tatidy»-dedı.
Balalar kez kelgen telefon arqyly bızdıŋ ortalyqtarǧa habarlasa alatyndai mümkınşılıkke ie boldy. Būny men bala qūqyǧyn qorǧauşy uäkıl bolǧandyqtan negızgı talap retınde qoidym. Sol uaqytta bız BǦM, äleumettık qorǧau, densaulyq saqtau ministrlıkterımen jäne Qauıpsızdık keŋesımen kelısımderge keldık. Esterıŋızde bolsa, balalar arasynda «Sinii kit» degen oiyn taraǧan bolatyn. Bız qūqyq qorǧau organdarymen bırlese otyryp, atalǧan mäselenıŋ aldyn aldyq. Saraptamalyq jūmystar jürgızdık.
Sonymen qatar, Arujan Saiynnyŋ «111» ortalyǧy Zaǧipa hanymnyŋ atyna tırkelgen degen aiyptauyna:
Men zaŋdy tūlǧa emes, uäkılmın. Būiryqpen mūqiiat tanyssaŋyz, ol telefon nömırı menıŋ atyma Bala qūqyǧyn qorǧauşy uäkıl retınde tırkelgen. Būl menıŋ jeke nömırım degen söz emes,- dedı Mäjılıs deputaty.
«Adyrna» ūlttyq portaly
