Kedei elderge kömektesu agenttıgın qūrmaqşy bızdıŋ bilık. Ol jai ǧana agenttık emes. ony qūru üşın biudjetten milliondap qarjy bölınedı. Al eŋ bastysy, mūndai agenttıktıŋ Qazaqstanǧa ne qajetı bar? Özgege agenttıkpen kömekteserdei elımız şylqyǧan bai, halqy toqşylyqtan sekırıp jür me edı? Būl sūraqtyŋ jauabyn tömende Quanyş EDILHANNYŊ jazbasynan alasyzdar.
«Agenttıktı qūruǧa ükımet 138 mln teŋge bölıp, jedel qūruǧa kırısıp kettı dep jazyp jatyr osynda. Sonşama nege jedel kırıstı? Onyŋ da sebepterı aityldy jobamen. Ärine, resmi maǧlūmat emes, bıraq şyndyqqa keledı: qazır şetelge aqşa şyǧarudyŋ eŋ dūrys joly osy - kedei elderge kömek körsetu.
Nege? Sebebı offşorǧa şyǧarylǧan aqşalar tübınde tekserıledı. Qazaqstandaǧy barlyq schettardy, onyŋ ışınde bankterdegı aqşa audarym qūjattaryn joiyp jıbergennıŋ özınde de şetel bankterındegı qūjattardy joia almaidy, sondyqtan dūrystap tekserse bärıbır ol aqşalar qalqyp şyǧady. Qazırgı kezde Ūlttyq qordaǧy aqşalar 6 elde būǧattauly tūr deidı, iaǧni ol da qauıptı jol. Jyljymaityn mülık satyp alu da qauıptı - erteŋ bärıbır būǧattalady.
Endıgı jol - gumanitarlyq kömek degen syltaumen şetelge aqşa şyǧaru. Ekı KAMAZ jük berseŋ, bes KAMAZ berdım dep, qalǧanyn aqşalai şyǧarasyŋ. Äitpese özı jalaŋbūt otyryp, bıreulerge kömek berem degenı masqara ǧoi. Men solai oilaimyn. Būlar tegınnen-tegın eşteŋe de jasai qoimas».
«Adyrna» ūlttyq portaly.
Foto: aşyq derekközden alyndy.
