Memleket basşysy Qasym-Jomart Toqaev respublika halqyna kezektı Joldauyn 1 qyrküiek künı jariialaidy dep habarlaidy "Adyrna" tılşısı KAZ.NUR.KZ-ke sılteme jasap.
Būl turaly el prezidentınıŋ baspasöz hatşysy Berık Uäli Facebook äleumettık jelısındegı paraqşasynda jazdy.
"Memleket basşysynyŋ Qazaqstan halqyna arnaǧan jyl saiynǧy dästürlı Joldauy 2020 jyldyŋ 1 qyrküiek künı ötetın Parlamenttıŋ kezektı sessiiasynyŋ aşyluynda jariialanady dep josparlanyp otyr. Parlamenttıŋ qos Palatasynyŋ bırlesken otyrysynda Prezident Qasym-Jomart Toqaev elımızdıŋ daǧdarystan keiıngı kezeŋdegı negızgı damu maqsattary jaiynda aitady. Joldaudyŋ basym bölıgı ekonomikalyq jäne äleumettık mäselelerge arnalady", - dedı ol.Aita keteiık, mäjılıs töraǧasy Nūrlan Nyǧmatulin Qazaqstan Respublikasy parlamentı palatalarynyŋ bırlesken otyrysyn şaqyru turaly ökımge qol qoiǧan bolatyn. Otyrys 1 qyrküiekte saǧat 11-de ötedı. Al Nūrsūltan Nazarbaevtyŋ qatysuymen ötuı tiıs bolǧan Nur Otan saiasi keŋes biurosynyŋ otrysy taǧy da keiınge şegerıldı. Būl turaly Bauyrjan Baibek äleumettık jelısındegı resmi paraqşasynda habardar ettı. Onyŋ sözınşe, otyrys 28 tamyz künı ötedı dep josparlanuda. Esterıŋızge sala keteiık, 2019 jyldyŋ ekınşı qyrküiegınde memleket basşysy Qasym-Jomart Toqaev Qazaqstan halqyna alǧaşqy joldauyn jasaǧan bolatyn.
"Adyrna" ūlttyq portaly
