Şymkentke respublikalyq maŋyzy bar qala märtebesı berılgen kezden bastap, qalada tūrǧyn üige degen sūranys artqan. Osyny eskergen «Shymkent» ÄKK» AQ-y 2024 jylǧa deiın şamamen jalpy alaŋy 700 myŋ şarşy metrdı qūraityn tūrǧyn üi saludy josparlap otyr. Būl turaly bügın aqparattyq-kommunikasiialyq ortalyqta ötken brifingte «Shymkent» ÄKK» AQ-ynyŋ töraǧasy B.Kankin mälım ettı.
Onyŋ aituynşa, bügınde äleumettık käsıpkerlık korporasiiasy 26 tūrǧyn üi qūrylysy boiynşa 6 kelısım-şart jasaǧan. Onyŋ ışındegı 21 üi jyldyŋ soŋyna deiın paidalanuǧa berıledı eken.
«Tūrǧyn üilerdıŋ qūrylysy «7-20-25» memlekettık baǧdarlamasy boiynşa, «Qazaqstandyq ornyqtylyq qory» AQ-nyŋ kredittık qarajaty esebınen jäne ÄKK-nyŋ öz qarajaty esebınen jürgızıledı. Korporasiia päterlerdı satu jolymen şamamen 12.8 mlrd teŋgege qol jetkızedı, onyŋ 11.8 mlrd teŋgesın qoldanystaǧy kredit boiynşa «Qazaqstannyŋ ornyqtylyq qory» AQ qaitaruy qajet»,-dedı B.Kankin.
Aita keteiık, biylǧy jyly äleumettık käsıpkerlık korporasiiasynyŋ tapsyrysy negızınde «7-20-25» baǧdarlamasy aiasynda salynǧan 24 üi paidalanuǧa berıldı.
Şymkent qalasy äkımınıŋ baspasöz qyzmetı
