Shokoladty jaqsy kórmeıtin adam kemde-kem. Kakao untaǵynan jasalatyn kondıterlik ónim eń alǵash Amerıkada paıda bolǵan. Nazarlaryńyzǵa shokoladtyń adam aǵzasyna tıgizer paıdasyn usynamyz.
Shokolad júrekke paıdaly
Kembrıdj ýnıversıteti júrgizgen zertteýlerge sáıkes shokoladty jep turý júrek-qan tamyrlary aýrýlarynyń paıda bolý qaýpin úsh ese azaıtady.
Kóńil-kúıdi kóteredi
Shokolad jasaý úshin qoldanylatyn kakao burshaqtarynda magnıı bar. Ol stress pen depressııany jeńýge kómektesedi, alańdaýshylyq sezimin joıady.
Aryqtaýǵa kómektesedi
Shokoladty quraıtyn ıngredıentter metabolızmdi jaqsartady. Ol jasýsha qýatynyń tıimdiligin arttyrady jáne jınalǵan maılardy beıtaraptandyrady.
Este saqtaý qyzmetin jaqsartady
Italıandyq ǵalymdar qarttarǵa shokoladty kóp jegizý arqyly zertteý jumysyn júrgizdi. Nátıjesinde qarttardyń este saqtaý qyzmetinin jaqsaryp , máselelerdi sheshý jyldamdyǵynyn artqanyn anyqtady.
Shokolad - jótelge arnalǵan keremet dári
Ǵalymdar shokoladta kezdesetin teobromın barlyq jótelge qarsy dári-dármekterde kezdesetin kodeınge qaraǵanda tıimdi ekenin anyqtady. Teobromın bronhty keńeıtedi jáne jóteldi jeńildetedi, tipti ony azaıtady deýge bolady.
Shokolad er adamdardyń ınsýlın alý qaýpin azaıtýǵa kómektesedi
Aptasyna bir ret shokolad jep turý ınsýlt qaýpin aldaǵy 10 jyl ishinde 17% - ǵa tómendetedi.
Ómir súrý jasyn uzartady
Garvard túlekteriniń 18 jyldan astam ýaqyt boıy júrgizilgen zertteýleri shokoladty únemi jeıtinderdiń bul ónimdi paıdalanbaıtyndarǵa qaraǵanda bir jyl artyq ómir súretinin anyqtady.
Shokalad aqyldylar úshin
The New England Journal of Medicine zertteýlerine sáıkes, shokoladty kóp tutynatyn 23 eldiń tizimi Nobel syılyǵynyń laýreattary kóp elderdiń tizimimen sáıkes keledi.
Dıana ASAN,
«Adyrna» ulttyq portaly
