Taǧy bır qarjy piramidasy jūrtty qan qaqsatty

Ukrainanyŋ qauıpsızdık qyzmetı (SBU) 20 adam qatynasqan B2B Jewelry qarjy piramidasynyŋ alaiaqtyq äreketterın äigıledı. Qylmyskerler 600 000-nan astam salymşydan 250 million dollar jymqyryp ülgergen, dep habarlaidy "Adyrna" ūlttyq portaly LIGA.net. agenttıgıne sılteme jasap.   Barlau qyzmetınıŋ mälımetınşe, 2019 jyldan bastap «piramidany» ūiymdastyruşylar onda ornalasqan jyljymaityn mülıgı bar Dnepr özenınıŋ basseinındegı araldardyŋ bırın, qūny ärqaisysy 100 myŋ dollardan asatyn 18 elitalyq jol talǧamaityn kölık, sondai-aq zergerlık būiymdar men ärtürlı jyljymaityn mülık satyp alǧan.   27 tamyzda tärtıp saqşylary Kiev, Vinnisa oblystary men Odessada 48 ızdeu jūmystaryn jürgızdı. Sot alaiaqtardyŋ mülıktık aktivterın: banktık şottardy, jyljymaityn mülıkterdı, sonymen qatar 100-den astam zaŋdy tūlǧalarǧa tırkelgen mülıkterdı de tärkıledı.   B2B Jewelry resmi türde qarapaiym zergerlık düken siiaqty jūmys ıstegen. Kompaniia Ukrainanyŋ barlyq ırı qalalarynda, sondai-aq Resei men Qazaqstanda (Nūr-Sūltan) 100-ge juyq düken aşqan.   Dükender şynaiy zergerlık būiymdar satumen ainalysqan. Sız qarapaiym dükendegıdei jai ǧana olardy satyp alyp kete alasyz. Bıraq olar sızge uaqyt öte kele banktık kartaǧa tölengen somanyŋ 104 paiyzyn qaitaryp aluǧa uäde beredı. Onyŋ üstıne, eger sız taǧy basqa zat satyp alsaŋyz, keşbek öse beredı.   Bıraq ol kırısterdı altynmen emes, sertifikattarmen alu ǧana mümkın bolǧan. Sebebı kırıs jylyna 400 paiyzǧa deiın artady eken. Tabysty apta saiyn tölep otyrǧan. Salymşylardyŋ köpşılıgı zeinetkerler bolǧandyqtan būl salymşylardy qyzyqtyryp otyru üşın tiımdı boldy.   Sertifikattardy tek «klub müşesınıŋ» ūsynysy boiynşa satyp aluǧa bolady. Ol ärbır jaŋa klient üşın aqşa alyp  otyrǧan. Iаǧni, kezındegı MMM siiaqty klassikalyq piramida salyna bastaǧan.   Alaida, MMM-den aiyrmaşylyǧy, barlyq sertifikattar altyn būiymdarmen qamtamasyz etılgen (olardy kez-kelgen uaqytta zergerlık būiymdarǧa aiyrbastauǧa bolady) jäne mūndai joǧary paiyzdyq körsetkışter biznestıŋ ılgerıleuıne jol beredı-mıs. Būl adamdardyŋ aşuyn baqylauda ūstap, olardyŋ senımın ūstap tūruǧa septıgın tigızgen.   B2B Jewelry piramidasynyŋ negızın qalauşy - Vinnisa maŋyndaǧy Ladyjin şaǧyn qalasynan şyqqan zerger jäne “Şarm” zergerlık fabrikasynyŋ negızın qalauşy Nikolai Gonta. 2019 jyly käsıpker jergılıktı basylymdardyŋ bırıne bergen sūhbatynda älemnıŋ 30 elınde dükender jelısın aşudy josparlap otyrǧanyn mälımdegen.