Jiynda qala äkımı Mūrat Äitenov Joldaudaǧy basym baǧyttar men naqty atqarylatyn jūmystardy atap berdı. Mūrat Düisenbekūly jaŋa jaǧdaidaǧy ekonomikalyq damu, halyqtyŋ äleumettık äl-auqatyn köteru, qorşaǧan ortany qorǧau, bılım jäne densaulyq salasyndaǧy mäselelerdı atap, bırqatar orynbasarlaryna naqty tapsyrmalar jüktedı. Şymkent qalasyn Auyl şaruaşylyǧy önımderın öŋdeu ortalyǧyna ainaldyruǧa barlyq mümkındıkter bar. Türkıstan jäne Jambyl oblystaryndaǧy auyl şaruaşylyǧy önımderın Şymkentte öŋdep, ışkı jäne syrtqy naryqqa şyǧaruǧa sūranyp tūr. – Qalada mamandardy daiyndaityn oqu oryndary jetedı. Transporttyq-logistikalyq jelı damyǧan. Tört joldyŋ torabynda otyrmyz. Sondyqtan, Agroindustriialyq aimaqty qalyptastyru jūmystaryn jedeldetu kerek. Orynbasarym Sättıbaev Aibek Berıkūlyna Öŋdeu önerkäsıbı jäne Auyl şaruaşylyǧyn damytudyŋ 5 jyldyq josparyn äzırleudı tapsyramyn, – dedı Mūrat Düisenbekūly. Sondai-aq, halyqtyŋ äleumettık äl-auqaty – basty basymdyqqa ie. Naryqtyŋ jaǧdaiynda är azamattyŋ baspanaly boluy tıkelei özıne bailanysty. Dese de, memleket tūrǧyn üi qūrylysyn tıkelei qoldap otyr. Şymkentte 1 million şarşy metrdı qūraityn 262 köpqabatty üi salynyp jatyr. (Onyŋ 126-sy jekemenşık kommersiialyq joba, barlyǧy 6 147 päter) Qazır Şymkent qalasynda 40 myŋǧa juyq adam üi kezegınde tūr. Biyl onyŋ ışınde 976 adam baspanaly bolady. Qala äkımı halyqty baspanamen qamtu boiynşa Bauyrjan Mamytalievke tūrǧyn üi kezegındegı azamattardy baspanamen qamtudyŋ 5 jyldyq josparyn äzırleudı tapsyrdy. – Jalpy, Şymkent megapolis bolǧan soŋ, tabiǧi ösım men migrasiiany eskerer bolsaq, tūrǧyn üige degen sūranys eşqaşan tömendemeidı. Memlekettık bilık halyq sany men tūrǧyn üi qūrylysynyŋ qarqynyn ūştastyruǧa tiıs. Orynbasarym Bauyrjan Jaimūrzynūly kredittık tūrǧyn üiler kölemın arttyru, tūrǧyn üidıŋ özındık qūnyn azaitu, arendalyq tölemderdı biudjetten subsidiialau mümkındıkterın qarastyrsyn, – dedı qala äkımı.
Şymkent qalasynyŋ Aqparattyq-kommunikasiialyq ortalyǧy
