Prezident Qasym-Jomart Toqaev mädeniet jäne sport ministrı Aqtoty Raiymqūlovany qabyldady, - dep habarlaidy "Adyrna" tılşısı Aqordaǧa sılteme jasap.
Qasym-Jomart Toqaevqa ministrlık qyzmetınıŋ qorytyndylary, atap aitqanda, mädeniet, sport, turizm, tıl saiasaty, onomastika mäselelerı, arhivter boiynşa atqarylǧan jūmystar jaiynda baiandaldy. Sonymen qatar Memleket basşysynyŋ būǧan deiın bergen tapsyrmalarynyŋ nätijelerı turaly esep berıldı.
Mädeniet jäne sport ministrı būqaralyq sportty damytu jūmystary qarqyndy jürıp jatqanyn atap ötıp, mädeniet qyzmetkerlerınıŋ eŋbek aqysyn köbeitu maqsatynda qolǧa alynǧan bastamalar turaly aitty. Qazırdıŋ özınde mädeniet qyzmetkerlerınıŋ jalaqysy jergılıktı jerlerde 35%, al respublikalyq deŋgeide 50% artqan. Būdan bölek, ministrlıktıŋ pandemiia kezınde ötkızgen onlain şaralary jönınde de mälımet berdı.
Sonymen qatar Aqtoty Raiymqūlova Prezidentke qazaqstandyq sportşylardyŋ aldaǧy Olimpiada oiyndaryna daiyndyǧy, jaŋadan aşylǧaly jatqan Turizm jäne meimandostyq universitetınıŋ jūmysy jaiynda aitty.
Kezdesu soŋynda Qasym-Jomart Toqaev biylǧy Joldauda aitylǧan basym baǧyttardy tiıstı deŋgeide jüzege asyruǧa, el arasynda būqaralyq sportty keŋınen nasihattap, ony odan ärı damytuǧa qatysty naqty tapsyrmalar berdı.
Sondai-aq latyn älıpbiın engızu mäselesınde asyǧystyq jasamai, jūmysty ǧalymdarmen jan-jaqty saraptai otyryp jürgızu kerek ekenın atap öttı.
"Adyrna" ūlttyq portaly
