«Älemdegı jäne Qazaqstandaǧy pandemiiamen bailanysty oryn alǧan kürdelı jaǧdaida da, 2020 jyldyŋ 7 aiynda önerkäsıp 3,8% östı. Äsırese, farmasevtika 23,2%, maşina jasau 13,9%, jeŋıl önerkäsıp 7,3% östı», — dedı R. Skliar.
Memleket basşysy Joldauda öŋdeuşı önerkäsıptegı öndırıs kölemın bes jylda kemınde 1,5 esege arttyrudy tapsyrdy. R. Skliardyŋ aituynşa, atalǧan maqsatqa jetu üşın bäsekelık artyqşylyqtar men syrtqy naryqtaǧy eksporttyq mümkındıkterdıŋ bırtındep artuymen, ışkı naryqta öŋdeu önerkäsıbınıŋ industriialyq äleuetın damytu boiynşa şaralar qabyldanady.
Jyl soŋyna deiın qosylǧan qūny neǧūrlym joǧary önım öndıru üşın metaldar öndıru jönındegı otandyq käsıporyndar men olardy qaita öŋdeuşılerdıŋ özara tiımdı yntymaqtastyq tetıgı äzırlenedı.
İnstitusionaldyq negızdı saqtai otyryp, jürgızılgen jūmystarǧa jüielık beru üşın «Önerkäsıptık saiasat turaly» zaŋ jobasy boiynşa jūmystar qolǧa alyndy. Qazırgı uaqytta zaŋ jobasy äzırlendı jäne biznes qauymdastyqpen, salalyq qauysdastyqtarmen jäne önerkäsıptık käsıporyndarmen talqylanuda. Zaŋ jobasynda qoldau şaralary qūraldaryn keŋeitu, memleketten, kvazimemlekettık sektorlardan jäne jer qoinauyn paidalanuşylardan kepıldendırılgen satyp aludy jüzege asyru şaralary eskerılgen.
Tranzittık tasymaldaǧy pozisiialardy saqtap qalu üşın qyzmet körsetu, tasymaldaudyŋ sapasy men jyldamdyǧyn arttyru boiynşa jūmys jürgızılıp jatyr. Osy maqsatta Qazaqstannyŋ kölık infraqūrylymyn odan ärı damytu jūmystary jalǧasady.
2020 jyly respublikalyq avtomobil joldary jelısınıŋ 4 myŋ şaqyrymynda qozǧalys aşylady. Jaqsy jäne qanaǧattanarlyq jaǧdaidaǧy avtomobil joldarynyŋ ülesı 90% qūraidy. 2025 jylǧa deiın respublikalyq avtomobil joldarynyŋ barlyq 100% (24 myŋ km) qalpyna keltırıledı jäne rekonstruksiialanady, sondai-aq servistık infraqūrylymdy qūru jūmystary aiaqtalady.
Kütu kezegınde tūrǧan 100 myŋnan astam adamnyŋ tūrǧyn üi mäselelerın şeşu üşın «Nūrly jer» memlekettık baǧdarlamasynda şamamen 90 mlrd teŋge somasyna jeke tūrǧyn üi qoryndaǧy jaldau aqysyn subsidiialau mehanizmı qarastyrylady (jaldau aqysynyŋ 80% deiıngı mölşerınde)
Azamattar üşın önımnıŋ qoljetımdılıgın qamtamasyz etu üşın «Otbasy» bankınıŋ ökılettıkterı men jauapkerşılıgı jalǧa aluǧa subsidiia bölu tūrǧysynan keŋeitıledı.
Tūrǧyn üi-kommunaldyq şaruaşylyq turaly qabyldanǧan Zaŋ aiasynda Qazaqstanda menşık ielerı bırlestıkterı instituty engızılude. Barlyq qajettı normativtık qūqyqtyq aktıler qabyldanyp, bekıtıldı.
"Adyrna" ūlttyq portaly
