Sifrlyq damu ministrı Baǧdat Musin men Qazaqtelekomnyŋ basşysy Quanyşbek Esekeev auyldardy aralap jür. Maqsattary – ǧalamtor jyldamdyǧy naşar, qoljetımsız aimaqtardaǧy mäselenı şeşu. Osyǧan orai, «Adyrna» ūlttyq portaly äleumettık jelılerde saualnama jürgızıp, el tūrǧyndarynyŋ aryzyna qūlaq türdı.
Eldegı internet jyldamdyǧyna köŋılıŋız tola ma degen saualymyzǧa jelı qoldanuşylarnyŋ öte az bölıgı «İä, tolady» dese, denı bailanystyŋ naşarlyǧyn, tıptı, keibır öŋırlerde bailanys joqtyǧyn aityp şaǧymdandy:
Men özım ūstazbyn. Ekı balam mektepke barady. Üide Wi-fi joq. Ai saiyn 8 myŋ teŋgege edinisa salamyz. Qazpoştaǧa internet qoiuǧa ötınış qaldyrǧam. 1-2 künde kelemız dep kelmedı. Qolymda enem bar. Batyr ana. Ekı künnıŋ bırınde auyrady. Aqmola oblysy, Esıl audany, Svobodnyi auyly.
İnternet joq auyldar emes, müldem bailanys joq auyldar bar. İnternet ärbır 3-şı auylda joq.
Vai-fai bar. Sonda da internet naşar. Kündelık.kz toltyr deidı. Ainalyp tūryp alady. Onlain kursqa qatys, balany oqyt deidı. İnternet naşar bolsa qiyn, jüikeŋ jūqarady eken.
Auyl tügılı qalanyŋ özınıŋ qatyp jatqany şamaly. 42 baladan, 13-ı ǧana sabaqqa qatysuda. Qalǧany şe? Qalǧanynyŋ mümkınşılıgı joq. Qalai bılım almaq?
Audan, auyldy qaidam? Şymkent qalasynda tūryp internet jaqsy ūstamaidy. Bilain set joq. Söilesuden de qaldyq.
Qaladan 30-40 metr şyqsaŋ boldy internet naşar. İnternet bylai tūrsyn bailanys ūstamaidy. Habarlasa almaisyŋ.
Biǧaş auyly, Eskeldı audany. Oquşylar töbege jinalyp internet ızdeidı. Ol jer – jeldıŋ ötı. Balalarǧa obal.
Auylda internet joq deisızder. Auyl tügılı Almaty tübındegı Besaǧaşqa qarasty 6-oi uchastok degen jerde internet joq. Balalarymyz zumǧa kıru üşın tentırep aǧaiyndarymyzdyŋ üiınde jür. İnternet jürgızu üşın 35 million teŋge kerek deidı. Ondai aqşany halyqtyŋ jaǧdaiy kötermeidı. Ötınış kömektesıŋızder!
Būl – tūrǧyndar aryzynyŋ bır parasy ǧana. İnternettıŋ qoljetımsızdıgı qala syrtyndaǧy audandardan bölek, auyldaǧy, köptegen şalǧai eldı mekenderdegı aǧaiynǧa qolbailau bolyp otyrǧanyn aŋǧardyq. Būl mäselege Baǧdat Musin men Quanyşbek Esekeev myrzalar da atüstı qaramai, aryzdardy eskerıp, qaraşanyŋ mäselesın oŋtaily şeşuge bılek sybanna kırıse eken.
Foto aşyq derekközden alyndy
«Adyrna» ūlttyq portaly
