Qazaqstan Respublikasy Bılım jäne ǧylym ministrlıgı Ǧylym komitetınıŋ Biologiialyq qauıpsızdık mäselelerı ǧylymi-zertteu institutynda jasalǧan QazCovid-in® koronavirus infeksiiasyna qarsy qazaqstandyq vaksinasynyŋ klinikalyq synaqtaryna 627 adam qatysuǧa niet bıldırdı. Būl turaly Adyrna ūlttyq portaly Bılım jäne ǧylym bılım ministrlıgınıŋ Ǧylym komitetıne sılteme jasai otyryp habarlaidy.
Qazaqstan Respublikasy Bılım jäne ǧylym ministrlıgı Ǧylym komitetınıŋ Biologiialyq qauıpsızdık problemalary ǧylymi-zertteu instituty (BQPǦZİ) qazaqstandyq koronavirus vaksinasynyŋ klinikalyq synaqtaryna qatysu üşın erıktılerdı tartudy jalǧastyryp otyr.
«Qūjattardy qabyldau osy jyldyŋ 10 qyrküiegınde aiaqtalady. Bügıngı künı 627 adam bız jasaǧan vaksinany özderıne saldyruǧa niet bıldırdı. Bırınşı kezeŋde bız 44 adamdy, ekınşısınde 240 adamdy taŋdaudy josparlap otyrmyz. Bız vaksina turaly joǧary habardarlyqqa, qazaqstandyqtardyŋ jaǧymdy motivasiiasy men patriotizmıne quanyştymyz. Mūndai senım ıs jüzındegı qoldau ǧana emes, sonymen qatar bız siiaqty öndıruşı üşın jäne bükıl qazaqstandyq ǧylymǧa ülken moraldyq qoldau bolatyny anyq. 627 adamnyŋ ärqaisysy, tıptı olar erıktıler qataryna kırmese de, bız üşın batyr deuge bolady. Bız olarǧa barlyq qazaqstandyqtardyŋ densaulyǧy men qauıpsızdıgın saqtauǧa qosqan jeke ülesı üşın öte rizamyz», - dedı BQPǦZİ bas direktory Künsūlu Zäkäriia.
31 şılde künı Düniejüzılık densaulyq saqtau ūiymy (DDSŪ) QazCovid-in koronavirusyna qarsy qazaqstandyq inaktivtendırılgen vaksinany klinikalyq synaqtarǧa jıberılgen kandidat vaksinalar tızımıne engızdı.
İnstitut direktory bastaǧan jetı vaksina jasauşy viruspen jūmys kezınde qauıpsızdıgın qorǧau üşın vaksinany qabyldaǧan alǧaşqy erıktıler boldy. Test nätijelerı boiynşa vaksina salǧandardyŋ bärınde virusqa qarsy antideneler paida boldy, qyzmetkerlerdıŋ denı sau jäne ǧylymi-tehnikalyq baǧdarlama şeŋberınde jūmystaryn jalǧastyryp jatyr.
Foto aşyq derekközden alyndy
«Adyrna» ūlttyq portaly
