12 qyrkúıek kúni Qazaqstan Prezıdenti Qasym-Jomart Toqaev QHR Memlekettik keńes múshesi, Syrtqy ister mınıstri Van Idi qabyldady, - dep habarlaıdy «Adyrna» ulttyq portaly Aqordaǵa silteme jasap.
Taraptar ekijaqty yntymaqtastyqtyń qazirgi jaǵdaıy men perspektıvalaryn, halyqaralyq jáne óńirlik uıymdar aıasyndaǵy yqpaldastyqty, COVID-19 indetiniń taralýyn boldyrmaý jónindegi is-qımyldardy úılestirý máselelerin talqylady.
Qasym-Jomart Toqaev tyǵyz saıası dıalogqa jáne ózara tıimdi saýda-ekonomıkalyq yntymaqtastyqqa negizdelgen qazaq-qytaı qatynastarynyń damý qarqyny men dostyq baılanystardy joǵary baǵalady.
Memleket basshysy ekonomıkanyń túrli salalaryndaǵy ınvestıııalyq jobalardy, sonyń ishinde, aýyl sharýashylyǵy baǵytyndaǵy jobalardy júzege asyrýdyń mańyzdy ekenin atap ótti. «Qazaqstandyq ónim óndirýshilerdiń aýyl sharýashylyǵy boıynsha Qytaıǵa eksporttaıtyn ónimderiniń, atap aıtqanda dándi jáne maıly daqyldardyń nomenklatýrasy úlken».
Prezıdent jan-jaqty strategııalyq seriktestikke qosymsha serpin berý maqsatymen QHR Tóraǵasy Sı zınpındi Qazaqstanǵa saparmen kelýge shaqyrǵanyn naqtylady.
Van I óz kezeginde Qytaı basshysynyń jyly lebizi men aýyzsha sálemdemesin jetkizdi. Sı zınpınniń aıtýynsha: «Qazaqstan - aımaqtaǵy mańyzdy strategııalyq seriktes jáne Qytaı eki el halyqtarynyń ıgiligi jolynda ózara yntymaqtastyqty jan-jaqty nyǵaıtýǵa ázir».
Qytaı dıplomaty «QHR basshylyǵy QR Prezıdenti jarııalaǵan Qazaqstan qoǵamynyń qajettilikterin eskere otyryp, saıası jáne áleýmettik-ekonomıkalyq jańǵyrtýlarǵa baǵyttalǵan reformalardy quptaıdy» dedi.
Sonymen qatar Van I QHR-diń ekijaqty kún tártibiniń mańyzdy bóligi bolyp tabylatyn Qazaqstanmen saýda-ekonomıkalyq baılanystardy keńeıtýge zor kóńil bóletinin atap ótti. Osy oraıda Van I Qazaqstan delegaııasyn Qytaıda ótetin EKSPO Halyqaralyq ımport kórmesine qatysýǵa shaqyrdy.
Áńgimelesý barysynda taraptar halyqaralyq ózekti máseleler boıynsha, atap aıtqanda, koronavırýs ınfekııasyna qarsy is-qımyl salasyndaǵy yntymaqtastyq jóninde de pikir almasty. Memleket basshysy Qytaı tarapyna ýaqytyly kórsetilgen gýmanıtarlyq jáne medıınalyq kómek úshin alǵys bildirip, pandemııaǵa qarsy kúreste birlesken shara qoldanýǵa ázir ekenin aıtty.
Kezdesý sońynda taraptar uzaq merzimdi jan-jaqty strategııalyq áriptestikti odan ári nyǵaıtýǵa daıyn ekenderin bildirdi.
«Adyrna» ulttyq portaly
