Tájikstannyń Penjıkent qalasyndaǵy mektepterdiń biriniń 10 synyp oqýshysy Hosııat jumys saparymen aımaqqa barǵan Emomalı Rahmonnyń kortejin toqtatyp, óziniń jazǵan hatyn tapsyrǵan. Bul týraly centralasian.org saıtyna silteme jasap, adyrna.kz habarlaıdy.
Ádette azamattardyń memleket basshysymen kezdesýi aldyn ala kelisiledi, mundaı jaǵdaı sırek bolady. Senbide Emomalı Rahmon Penjıkentte Sarazmnyń 5500 jyldyǵyn atap ótýge kelgen.
Qalanyń jas turǵyny Hosııat Olıshova 12 qyrkúıek kúni tańerteń qalanyń ortalyq kóshesinde úkimet korteji ketip bara jatqanyn kórgen. Kólikter besqabatty "Sarazm Plaza" ǵımaraty aldyna toqtaǵan. Sol kezde qyz baryp "prezıdent qaısy kólikte?" dep suraǵan.
Kýágerlerdiń aıtýynsha, prezıdenttiń kúzetshileri ony toqtatýǵa áreket jasaǵan, biraq prezıdent qyz kelsin degen belgi bergen. Hosııat hat berip, ony Penjıkent qalasy ákimshiligine shaqyrǵan.
Prezıdenttiń baspasóz hatshysy Abdýfattoh Sharıfzoda mundaı oqıǵa bolǵanyn rastady. Aqparatqa qaraǵanda, prezıdent qyz jetim ekenin aıtyp, onyń máselesin sheshýdi tapsyrǵan.
Penjıkent qalasyndaǵy №74 mektep dırektory Maksýda Ahrorovanyń aıtýynsha, qyz hatynda anasymen páter jaldap turatynyn aıtyp, ákesi úsh aı buryn qaıtys bolǵanyn, úısiz-kúısiz qalǵanyn jetkizgen. "Hosııat – mektepte jaqsy oqıdy, belsendi oqýshylardyń biri", - degen dırektor.
Penjıkent qalasy ákimshiliginiń ókili Hosııatpen sóılesip, onyń otbasyna bıýdjetten 10 myń somonı (1000 dollar) bólingenin jáne azyq-túlik berilgenin jetkizdi.
Sýret ınternet jelisinen
