Äleumettık jelıde halyqty zorlyq-zombylyqqa ügıttegenı üşın aiyptalǧan Quat Hamitov bostandyqqa şyqty, – dep habarlaidy «Adyrna» ūlttyq portaly.
14 qyrküiek künı Polisia.kz Quat Hamitovtyŋ äleumettık jelıde halyqty zorlyq-zombylyqqa şaqyrǧany üşın jauapqa tartylǧanyn habarlaǧan bolatyn. Būl fakt sotqa deiıngı tergeudıŋ bıryŋǧai tızımıne Qazaqstan Respublikasy Qylmystyq kodeksınıŋ 272-baby, 3-bölımı boiynşa tırkelgen.
IIM-nıŋ resmi ökılı Nūrdıldä Oraz da qarjy piramidalaryn tergeu ısıne bailanysty ötken bügıngı brifingte sportşynyŋ būl äreketıne qatysty qylmystyq jauapkerşılık qarastyrylatyny jaily mälımdedı.
Jappai tärtıpsızdıkke jäne azamattarǧa qatysty küş qoldanuǧa şaqyru, arandatu üşın üş jylǧa deiın bas bostandyǧynan aiyryluy nemese osy merzımge bas bostandyǧyn şekteuı mümkın sportşynyŋ bügın Instagram äleumettık jelısınde videoündeuı jariialandy. Sportşy: «...Dezinfektor turaly tarap ketken videoǧa qatysty: ol video qaljyŋ retınde tüsırılgen video. Men eşkımdı jappai kötırılıske şaqyrmaimyn jäne ondai äreket ıstemeŋızder», – dep aqtalǧan.
Videoündeu jariialanǧannan keiın köp ūzamai sport jurnalisı Serık Noian Instagram paraqşasynda Quat Hamitovtyŋ bostandyqqa şyqqany jaily aqpar jetkızdı. Äzırge atyşuly sportşyǧa qatysty qylmystyq ıstıŋ aiaqtalǧandyǧy turaly eşbır derek joq.
Esterıŋızge sala ketsek, būl Quat Hamitovtıŋ eldegı koronavirus infeksiiasymen küres şaralaryna qatysty tudyrǧan bırınşı dauy emes. Būǧan deiın sportşy koronavirustyŋ ötırık ekendıgın, sondai-aq virusqa qarsy vaksinany deputattar eŋ bırınşı öz balalaryna synap köruı jaily da jazba jariialap, synǧa ılıkken.
Foto aşyq derekközden alyndy
«Adyrna» ūlttyq portaly
