Almaty botanikalyq baǧy üş aida biudjetke 40 mln teŋge kırıs äkeldı

Qaita jaŋartylaǧan Almaty botanikalyq baǧyna üş aidyŋ ışınde 210 myŋnan astam adam kelıp, memlekettık biudjetke şamamen 40 mln teŋge kırıs äkeldı, dep habarlaidy QazAqparat tılşısı. 210 myŋ keluşınıŋ - 44 myŋy mektep oquşysy, 15 myŋy studentter men zeinetkerler, qalǧandary qala tūrǧyndary men qonaqtary. Jazda botanikalyq baqqa kün saiyn orta eseppen 2,5 myŋ adam keledı. «Qazır küzde keluşılerdıŋ sany azaidy. Desek te, bızge jūmys künderı 1000-1500 adam, al demalys künderı 5000 adamǧa deiın keledı», - deidı Botanika jäne fitointroduksiia institutynyŋ bas direktory Gülnar Sitpaeva. Sonymen qatar, Gülnar Sitpaeva tariftı köteru mäselesı qarastyrylyp jatqanyn aitty. «Qazır kıru biletı 500 teŋgenı qūraidy. Onyŋ ışınde bız 277, 80 teŋgenı memleket kırısıne audaramyz. Būl 0,1 AEK qūraidy. Bız är biletten 0,1 AEK memleket kırısıne audaruǧa mındettımız. Bügıngı künge deiın memlekettık biudjetke 40 mln tüstı. Nätijesınde bızde az ǧana soma qalady. Bız tarifterdı köteru mäselesın qarastyryp jatyrmyz. Būl qalypty täjıribe. Iаǧni, eresek adamnyŋ biletı 900 teŋge, balalar men zeinetkerler üşın 500 teŋge bolady. Al, mümkındıgı şekteulı adamdar üşın tegın. Qazır būl mäsele talqylanyp jatyr. Menıŋ oiymşa, būl kelesı jyly jüzege asyrylady», - dep tüsındırdı ol. Eske sala ketsek, Botanikalyq baqtyŋ qalai özgergenı turaly būǧan deiın jazǧan bolatynbyz. Biyl Memleket basşysy Qasym-Jomart Toqaev Almatyǧa saparynda Botanikalyq baqty qaita qūrudyŋ nätijelerımen tanysqan bolatyn.