Orys synyptary jabylyp, orysşa söileskender jazaǧa tartylmaq

Aşhabadtaǧy mektepter men mektepke deiıngı mekemelerde tekseruler jürude. Bılım salasynyŋ şeneunıkterı būl ne tekserıs ekenın äzırge aşyp aitpaidy dep habarlaidy «Adyrna» ūlttyq portaly Azatlyk radiosyna sılteme jasap. Türkımenstandaǧy bılım oşaqtarynda jürıp jatqan būl tekserıs orys synyptaryn jabu mäselesımen bailanysty boluy mümkın. «Barlyq mektep pen balabaqşalarda tekseru jūmystary jürıp jatyr. Jemqorlyqqa bailanysty deidı. Şyndyǧynda mäsele orys synyptaryna bala qabyldanuymen bailanysty», deidı korrespondent. Azatlyktyŋ kelesı tılşısı orys tılındegı bılım mekemelerınıŋ basşylarynyŋ jūmystan şyǧarylǧanyn aitady. Sondai aq, orys tılındegı synyptar oblystaǧy mektepterde de jabyluda. Al orys tılı sabaqtarynyŋ saǧattary meilınşe qysqartylyp jatyr.  Azatlyktyŋ senımdı aqparat közı Türkımenstanda 2030 jylǧa deiın orys tılındegı synyptardy tügeldei jabu ükımettık deŋgeide qaralyp jatqanyn jetkızıptı. Orys tılı synyptaryn jabudan bölek, qazır būl elde orysşa söileitınderge de qysym arta bastaǧan. Ana tılınde söilemegender jazasyz qalmaityny da eskertılgen. Türkımenstandaǧy būl jaǧdai saiasatpen bailanysty degen aqparat ta bar. Taiauda ǧana Türkımenstannan ketken türkımender özderınıŋ tölqūjatyn äuejaida jariia türde jyrtyp, laqtyryp jıbergen soŋ  şekara asyp ketken bolatyn. Orys tılımen küres te osy jaǧdaimen bailanysty boluy mümkın degen söz bar. Foto «Azatlyk» saitynan alyndy.