Adamdardyŋ qaryzdaryn zaŋsyz öndırgen

Bas prokuratura jeke sot oryndauşylary men kollektorlardyŋ qyzmetıne tekseru jürgızdı. Onyŋ nätijelerı turaly Bas prokurordyŋ aǧa kömekşısı Qairat Raisov aityp berdı dep habarlaidy «Adyrna» ūlttyq portaly Baq.kz saityna sılteme jasap.

Tekserulerge jeke sot oryndauşylar men kollektorlardyŋ atyna kelgen şaǧymdar negız boldy. Adamdar kollektorlardyŋ ädepsız äreketterı, olardyŋ qorqytuy turaly jäne osyndai qorqytulardyŋ şynymen oryndalyp jatqany turaly jazdy. Iаǧni, kollektor şottar men mülıkterge tyiym saludy jüzege asyrǧan. Ökılettı organdar şara qabyldaǧan joq. Sondyqtan bız mäselenı özımız taldap, tekseru jürgızudı şeştık. Jekelengen kollektorlar men jeke sot oryndauşylar qaryzdardy zaŋsyz öndıru shemasyn jasaǧan, - dedı ol. Raisovtyŋ aituynşa, kollektorlar bazany jeke sot oryndauşylardyŋ loginy men parolın alyp qoldanǧan. IP adresterden, iaǧni kollektorlyq agenttık internet nüktelerınen jüiege 210 ret kırgen. İnternet signaldar Almatyda 35 kollektorlyq agenttık jūmys ısteitın ǧimarattan şyqqan, onda 500 adam bar. Jekelengen öŋırlerde kollektorlar jeke sot oryndauşylardyŋ qaulylaryn prokurorǧa sanksiia beru üşın jıberıp otyrǧan. Zaŋsyz qyzmetın jasyru üşın jeke sot oryndauşylar men kollektorlar arasynda kelısımşart ornatylǧan. Şarttar boiynşa kollektorlar bazaǧa kıru jäne atqaruşylyq äreketter jasau boiynşa 10-ǧa juyq qyzmet körsetılgen, - dedı ol. Onyŋ aituynşa, Ädılet ministrlıgıne zaŋ būzuşylyqtardy joiu boiynşa ūsynys jasalǧan. Qarau nätijelerı boiynşa 18 jeke sot oryndauşy respublikalyq palatadan şyǧaryldy. Palatadan şyǧaru lisenziialardy toqtatu üşın sözsız negız bolyp tabylady. Sondyqtan Ädılet ministrlıgı jeke sot oryndauşylardyŋ lisenziialaryn toqtatu boiynşa aryzdardy bere bastady. Bas prokuratura qarjy naryǧy retteu  agenttıgıne kollektorlardyŋ būzuşylyqtary turaly hat joldady. Agenttık pen Ädılet ministrı kollektor qyzmetıne tekseru jürgızedı, - dedı Raisov.