Ekinshi ret karantın jarııalamas úshin Ulybrıtanııa sanıtarlyq talaptardy oryndamaǵandarǵa salynatyn aıyppuldy ulǵaıtty. Onyń eń joǵary mólsheri 10 myń fýntqa deıin barady. Bul jaqta qatań shekteý kemi jarty jyl bolady dep kútilýde. Betperde taqpaǵandar 200 fýnt tóleıdi. Bul bizdiń valıýtaǵa shaqqanda 112 625 teńgege teń, dep habarlaıdy "Adyrna" ulttyq portaly atameken.business-ke silteme jasap.
Vırýstyń taralýyna jol bermes úshin Ulybrıtanııa Premer-mınıstri Borıs Djonson elge shama kelgenshe úıden shyqpaı jumys isteýge keńes berdi. Sondaı-aq, eldegi mektepter men medıınalyq ortalyqtarda tártip kúsheıtiledi. Al qoǵamdyq oryndarda 15 adamnan artyq jınalýǵa tyıym salynǵan.
⠀
«Kovıdpen kúres – eń iri daǵdarys. Kúlli álem zardabyn kórip jatyr. Qanshama azamatymyzdan aıyryldyq. Shyny kerek, qatań shekteýler eldiń bostandyǵyna nuqsan keltirgenin qalamaımyn. Biraq, dál qazir tártipti kúsheıtpesek, lokdaýn jarııalaýǵa májbúr bolamyz. Onyń qanshalyqty qıyn ekenin kórdińizder», - dedi Borıs Djonson.
