Pavlodarda audan äkımınıŋ balasy ūrǧan qyzdyŋ anasyna aiyppūl salyndy, dep habarlaidy "Adyrna" ūlttyq portaly Orda.kz-ke sıltep.
Audanaralyq sot bala tärbiesınde "ata-analyq mındetın oryndamaǧany üşın" dep soqqyǧa jyǧylǧan qyzdyŋ anasyna 51 688 teŋge aiyppūl salǧan.
Pavlodarda äkımnıŋ balasy oquşy qyzdy soqqyǧa jyqqany turaly jazǧan bolatynbyz. Bılım vise-ministrı Edıl Ospan būl derektı rastaǧan.
Jelıde audan äkımınıŋ ūly qyzdy 2024 jyldyŋ qaŋtar aiynyŋ bırınşı jartysynda ūryp-soqqany turaly aqparat taraǧan bolatyn. Janjal saldarynan mektep oquşysy - qyz balanyŋ mūrny synyp, auruhanaǧa tüsken.
Al nauryzda polisiia oqiǧanyŋ män-jaiyn anyqtauǧa kırıstı.
«№ 8 mektep-liseiınıŋ oquşysy 6-synyp oquşysyn renjıtıp, qoǧamdyq tärtıptı būzyp, ony janjalǧa itermelegen», - dep belgıledı qūzyrly organ.Is materialdarynda qyz ben onyŋ dosy balanyŋ syrtqy türı men kiımın keleke etkenı körsetılgen. Soqqyǧa jyǧylǧan mektep oquşysynyŋ balanyŋ sabaqqa baruyna kedergı keltırıp, susynynyŋ bötelkesın alyp qoiǧany aitylǧan. Eske sala keteiık, deputat Güljaina Därımova atalmyş kikıljıŋge qatysty kışkentai qyzdy «balany sondai emosiiaǧa jetkızgen özı» dep aiyptaǧan bolatyn.
Ūqsas jaŋalyqtar
