Bırıkken Ūlttar Ūiymynyŋ ştab-päterınde Qazaqstannyŋ BŪŪ janyndaǧy Tūraqty ökılı Qairat Omarov ölım jazasyn joiuǧa baǧyttalǧan Azamattyq jäne saiasi qūqyqtar turaly halyqaralyq paktıge ekınşı Fakultativtık hattamaǧa qol qoidy dep habarlaidy «Adyrna» ūlttyq portaly QR Syrtqy ıster ministrlıgıne sılteme jasap.
Sol künı ölım jazasyn joiu turaly halyqaralyq Hattamaǧa qosylu turaly şeşımdı Qazaqstan Prezidentı Qasym-Jomart Toqaev BŪŪ Bas Assambleiasynyŋ 75-şı mereitoilyq sessiiasynyŋ jalpy saiasi pıkırtalas barasynda söilegen sözınde jariialady. Ol Qazaqstan ömır süru men adami qadır-qasietke negızdelgen qūqyqty jüzege asyruǧa bekem ekenın atap öttı.
2019 jyldyŋ jeltoqsanynda Qazaqstan Prezidentı eldegı saiasi reformalardy jüzege asyru aiasynda Syrtqy ıster ministrlıgıne azamattyq jäne saiasi qūqyqtar turaly halyqaralyq paktınıŋ ekınşı Fakultativtık hattamasyna qosylu räsımın bastaudy tapsyrdy.
Būl halyqaralyq qūjatqa qol qoiu ölım jazasyn qoldanu aiasyn bırtındep taryltu jäne qylmystyq zaŋnamany ızgılendıru baǧytynyŋ jalǧasy bolyp tabylady. Qazaqstan Respublikasynda ölım jazasyn qoldanu QR Prezidentınıŋ 2003 jyly tiıstı moratorii engızu turaly Jarlyǧymen tolyǧymen toqtatyldy.
«Adyrna» ūlttyq portaly
