Etnikalyq qazaqtar qai aimaqtarǧa köptep qonystandy?

2020 jyly 10 myŋǧa juyq etnikalyq qazaq oralman märtebesın aldy. Būl turaly QazAqparat tılşısı Eŋbek ministrlıgıne sılteme jasap habarlaidy. Aǧymdaǧy jyldyŋ 1 qyrküiegındegı jaǧdai boiynşa 9,9 myŋ adam tarihi Otanymen tabysyp, oralman märtebesın aldy. Jalpy 1991 jyldan berı respublikaǧa 1 million 67,2 myŋ etnikalyq qazaq oraldy. Osy jyly Qazaqstanǧa kelgen oralmandardyŋ jartysynan köbı (59,1%) Qytaidan, 25,6% Özbekstannan, 8,8% Türıkmenstannan, 3,5% Moŋǧoliiadan jäne 3% basqa elderden. Kelgen etnikalyq qazaqtar negızınen Almaty (54,6%) jäne Maŋǧystau (12,7%) oblystaryna, sondai-aq Nūr-Sūltan (4,1%) jäne Şymkent qalalaryna (3,1%) qonystandy. «Keluşılerdıŋ ışınde 60%-dan astamy eŋbekke jaramdy jasta, al şamamen 5%-y ǧana zeinetkerler. Oralman märtebesın alǧandar, Qazaqstan azamattarymen qatar, Jūmyspen qamtudyŋ jol kartasy şeŋberınde jüzege asyrylatyn jobalar aiasynda, Jūmyspen qamtu ortalyqtary arqyly jūmys taba alady», - dedı QR Eŋbek jäne halyqty äleumettık qorǧau ministrlıgı Eŋbek, äleumettık qorǧau jäne köşı-qon komitetınıŋ köşı-qon monitoringı basqarmasynyŋ basşysy Dastan Aitqūlov. Aita ketu kerek, 2019 jyldyŋ osy kezeŋınde 9,6 myŋǧa juyq etnikalyq qazaq oralman märtebesın aldy, onyŋ ışınde 53% Özbekstannan, 26% Qytaidan, 21% Moŋǧoliiadan, Türkmenstannan jäne basqa elderden keldı.