Almatyda alaiaqtyq boiynşa aiyptalǧan er adam tergeu departamentınıŋ terezesınen sekırıp, köz jūmdy

Almatyda alaiaqtyq jasady dep aiyptalǧan adam ekonomikalyq tergeu departamentınıŋ terezesınen sekırıp kettı. Būl turaly Qazaqstannyŋ qarjy monitoringı komitetınıŋ baspasöz qyzmetı mälım ettı, dep habarlaidy Stan.kz aqparat agenttıgı. Oqiǧa 22 qyrküiekte bolǧan. Irı kölemdegı alaiaqtyq jasady dep aiyptalǧan Erlan Qonyspaev tūtqyndau kezınde ekonomikalyq tergeu basqarmasynyŋ besınşı qabatynyŋ terezesınen sekırıp kettı. 44 jastaǧy er adam qaiǧyly qazaǧa ūşyrady. "Dereu jedel järdem brigadasy şaqyryldy, olar Qonyspaevtyŋ qaitys bolǧany turaly mälımdedı. Qazırgı uaqytta būl faktı boiynşa sotqa deiıngı tergeu bastaldy. Sonymen bırge, Qazaqstan Respublikasy qarjy ministrlıgınıŋ qarjy monitoringı komitetımen ışkı qyzmettık tergeu jürgızılıp jatyr. Sonymen qatar, qylmystyq tergeuge qatysuşylardyŋ qauıpsızdıgın qamtamasyz etu boiynşa vedomstvolyq şaralar qabyldanuda. Qarjy monitoringı komitetı marqūmnyŋ otbasyna qaiǧylaryna ortaqtasyp köŋıl aitady jäne osy qaiǧyly jaǧdaidy obektivtı tergeuge barlyq kömek körsetedı", - dep habarlady baspasöz qyzmetı. Qylmystyq ıs materialdary boiynşa, marqūm 2016 jyly QR BǦM Ǧylym komitetınen 230 million teŋge kölemınde maqsatty grant alǧan. Komitet Qonyspaevtyŋ enşıles kompaniialardyŋ esepşottaryna 88 million teŋgeden astam aqşa audarǧanyn jäne kelısımşartta qarastyrylǧan jūmys aiaqtalmaǧanyn aitady. "22 qyrküiekte marqūmnyŋ advokatynyŋ qatysuymen küdıktı retınde jauap alyndy. Onyŋ äreketterı Qylmystyq kodekstıŋ 190-baby 4-bölıgı - Irı kölemdegı alaiaqtyq boiynşa kvalifikasiialanǧan. Tergeu äreketterı aiaqtalǧannan keiın, Qonyspaevtyŋ 2012 jyly auyr qylmys jasaǧany üşın sottalǧandyǧy eskerılıp, jaŋa auyr qylmys jasaǧany üşın tergeuşı ony QIJK-nıŋ 128-babyna säikes qamauǧa alu jäne uaqytşa tergeu izoliatoryna ornalastyru turaly şeşım qabyldady. Osy sättı paidalanyp, ūstau jäne jeke tıntu hattamalaryn jasaǧannan keiın Qonyspaev terezeden sekırıp kettı", - dep habarlady komitettıŋ baspasöz qyzmetı.