«Şerhan Mūrtazanyŋ qazaq ruhaniatyndaǧy orny men jarqyn beinesı eşqaşan ūmytylmaitynyna senemın.»
N. Ä. Nazarbaev
«Şer-aǧamen şyndyq ketıp bara jatyr»-dep joqtau aitqan Qali Särsenbaidyŋ sözın estıgende tūla boiym tıtırkenıp, jan azabyn keşkendei boldym.
Qazaq jurnalistikasynyŋ negızın qalap, ädebietıne ölşeusız üles qosqan talantty tūlǧa Şerhan Mūrtaza menıŋ jurnalistikaǧa qūştar jüregımdegı idealyma ainalǧan uaqyt qaharmany. Men üşın Şer-aǧa qaisar mınezı men ötkır tılımen şyndyqty tüirep aitar batyldyǧy arqyly elınıŋ jüregınen oryn tauyp, öşpes ız qaldyrǧan-aŋyz adam.
«Elım saǧan aitam, elbasy sen tyŋda» attty Kamal Smaiylov ekeuınıŋ hattarynan qūralǧan kıtaptarynda eldegı özektı mäselelerdı synap, qoǧamdaǧyt keleŋsız jaittardy jerıne deiın jetkızıp, tübıne deiın qazyp aitqan.
Mınez kettı, Mınez ketıp, mın qaldy, Aitylmaǧan aqiqat pen syn qaldy. Küŋırenıp küreŋ küzgı kün qaldy, Jūldyz sönıp,ai tūtylǧan tün qaldy.
Älıbek Şegebai
Şerhan küllı qazaq jurnalistikasynyŋ basyn aiaǧyna, aiaǧyn basyna keltırıp qaita qūrǧan talantty, küresker tūlǧa. Qazaq jurnalistikasy Şerhannyŋ şekpenınen şyqty desek mülde artyq aitqandyq emes.
Änes Sarai
-dep qaiǧylaryn qaǧaz betıne tüsırgen şäkırtterı men qalamdastarynyŋ ışkı zary Şer-aǧanyŋ naǧyz qazaq üşın tuylǧan azamat ekendıgınıŋ belgısı.Şerhan Mūrtazanyŋ elbasy N.Ä. Nazarbaevaqa «Arany aşylǧan qyran ne aŋdy alady, ne aŋşynyŋ özın alady» osyǧan asa män berseŋız degen bolatyn. Elbasymen sūhbatynda halyq nazarynda jürgen saualdaryn qoiyp, sūraqtarǧa jauap aldy. Elbasynyŋ özıne qoryqpai şyndyqty aityp, halqynyŋ mūŋyn mūŋdap, joǧyn joqtaǧan-bırtuar azamat. «Qazaqstan bailyǧy qorqaulardyŋ tonauyna tüspese, sol bailyq öz halqyn asyrauǧa jetedı ǧoi, jetıp-artylady ǧoi. Al bızdıŋ prokuratura, tergeu, milisiia, sot, qauıpsızdık organdary ūry-qarylardyŋ, paraqor, jemqorlardyŋ şabaqtaryn ǧana ūstaidy da, jaiyndaryn, akulalaryn ūstauǧa şamasy jetpeidı. Iаki qorqady, iaki sybailas.»-dep paraqorlardy synap, organdardyŋ şarasyzdyǧyntılge tiek etken. «Halyq tözımdı. Bıraq halyq töze beredı eken dep tasyraŋdauǧa bolmaidy. Halyq tymyq jatqan mūhit siiaqty. Al bır buyrqansa… Qūdai ony körsetpei-aq qoisyn.»-degen sözderımen qara halyq köterılse küşterı jetpei äure-sarsaŋǧa tüsetının de joǧardaǧylarǧa eskertken. «Kazırgı jegışterdıŋ köbı sondai.Akulany soiǧanda qarnynan tas ta, tasbaqa da, temır de, tersek te şyǧa beretın körınedı. Al bızdıŋ adam-akulalarymyzdyŋ qarnyn jaryp jıberseŋ – Qazaqstannyŋ prokaty da, altyny da, myryşy da, hromy da, mūnaiy da, araq zauyttary da, qant zauyttary – bärı-bärı aqtarylyp şyǧa keler edı.»Şer-aǧa qazırgı jemqorlarǧa adam-akula degen atauda bergen, bar maqsaty elınıŋ qazynasyn jegen satqyndardy äşkerelep, közderın qūrtu bolǧan.Eger de Şer-aǧa janymyzda bolsa, qoǧamdaǧy kei mäseler bei-jai qalmai, aqşa ūrlap şet elderge qaşatyn şeneunıkterdıŋ sany az bolar ma edı.
Şerhan Mūrtaza jastardy imandylyqqa, ızettılıkke şaqyryp, saliqaly ūrpaq tärbieleude de qosqan ülesı zor. Jas ädebietşılerdıŋ de közın aşyp, qanattaryn nyǧaitty.
Şer-aǧanyŋ dünieden ötkenı de bır jylǧa taiap qaldy. Şer-aǧasyz köktemdı de qarsy aldyq. Şerhan Mūrtazasyz talai şyndyqty jüzı aşylmai kete me dep qorqamyn. Qoǧam men ädebiette alaş arystanynyŋ orny oisyrap qalǧany ras. «Şyndyq-aşy, häm ajarsyz.» dep azuly aqiqatty aitudyŋ auyr ekenın bır auyz sözge syiǧyza bılgen.
Şerhan Mūrtazadai auzy dualy azamat qaita kelmesı anyq. Şyndyqty aitudy Şer-aǧadan üirenuımız kerek.
Laura TŪRSYNJAN,
“Adyrna” ūlttyq portaly
