Şymkent qalasynda biylǧy 8 ai ışınde «Eŋbek» baǧdarlamasy şeŋberınde 20 471 adam jūmyspen qamtyldy.
Baǧdarlamanyŋ bırınşı baǧyty — infraqūrylymdy jäne tūrǧyn üi-kommunaldyq şaruaşylyqty damytu esebınen azamattardy jūmyspen qamtuǧa arnalǧan. Şymkentte osy baǧyt boiynşa 3 196 azamatty tegın käsıbi oquǧa joldau josparlanǧan. Bügınde naqty 2 000 adam qysqa merzımge käsıptık oqytuǧa joldansa, 1 196 adam tehnikalyq jäne käsıbi bılımı bar kadrlar daiarlauǧa jıberılıp otyr. Jospar 100 prosentke oryndalǧan.
Ekınşı baǧyt — käsıpkerlık bastamany yntalandyruǧa arnalǧan. Osy baǧyt boiynşa 6819 tūrǧynǧa qoldau körsetıledı dep josparlanǧan. Qazırgı taŋda ıs jüzınde 4 204 adam qamtylǧan. Onyŋ ışınde «Bastau Biznes» jobasy boiynşa käsıpkerlık negızderge oqytuǧa jospar boiynşa 1 850 adamdy joldanuy tiıs edı. Degenmen bügınde 2 820 adam oquǧa joldanyp, jospar artyǧymen oryndalyp otyr. Al, 40 adamǧa şaǧyn nesie berılgen. 1 361 azamat memlekettık grant iegerı atanǧan.
Üşınşı baǧytta - halyqty jūmyspen qamtuǧa järdemdesu jäne eŋbek resurstarynyŋ ūtqyrlyǧyn arttyru arqyly eŋbek naryǧyn damytu közdelgen. Osy baǧytqa jyl boiyna 22 790 adam qatysady dep josparlanǧan. Bügıngı künge deiın 16 740 adamǧa jūmyspen qamtu boiynşa kömek körsetıldı.
Atap aitqanda, 5 755 azamat tūraqty jūmysqa ornalasqan bolsa, 313 adam äleumettık jūmys oryndaryna joldanǧan. 2 099 adam jastar praktikasyna, 4 494 adam aqyly qoǧamdyq jūmystarǧa tartylǧan.
«Jūmyspen qamtu jol kartasy» aiasynda 4 079 adam jūmysqa ornalastyrylǧan.
Şymkent qalasy äkımınıŋ baspasöz qyzmetı
