Bügın Şymkent qalasynyŋ äkımı Mūrat Äitenov aldaǧy jylytu mausymyna daiyndyq barysymen tanysty.
Qalada 1 896 köp qabatty üi bar. Sonyŋ 90 prosentten astamy jylytu mausymyna daiyn. Qalǧan tūrǧyn üilerde qūrylys-montaj jūmystary jürude.
Qala äkımı, aldymen, äkımşılık-ıskerlık ortalyqtaǧy jylu qazandyǧyna bardy. 2015 jyly ıske qosylǧan qazandyq 1124 şarşy metr aumaqty alyp jatyr. Onda mol jylu bere alatyn BOSCH LOOS UT-HZ peşterı ornatylǧan. Mūndaǧy otynnyŋ negızgı türı — tabiǧi gaz. Qazandyqtyŋ eŋ joǧarǧy quattylyǧy — saǧatyna 163.5 Gkal. Ol köpqabatty 78 tūrǧyn üi men 8 äkımşılık ǧimaratqa jylu beredı.
Mūnan keiın qala äkımı şahardyŋ oŋtüstık bölıgıne jylu beretın «3-Energoortalyq» aksionerlık qoǧamyna qarasty qazandyqqa at basyn tıredı. Būl kompaniianyŋ ielıgınde 11,7 şaqyrym magistraldy jylu qūbyrlary bar. Qazır qazandyqta qūrylys-montaj jūmystary jürgızılıp jatyr. Jylytu mausymyna daiyndyq 1 qazanǧa deiın tolyqtai aiaqtalady.
Sondai-aq, qala äkımı Sairam tūrǧyn alabynda ornalasqan halyqty kömırmen qamatamasyz etetın bazanyŋ jūmysymen de tanysty.
Jalpy, qalaǧa jylu 11 qazandyq pen 1 jylu-elektrstansiiasynan berıledı. Aita ketu kerek, qazır barlyq 11 qazandyq jöndeuden ötıp, aldaǧy qysqa tas-tüiın daiyn tūr. Al, 17 sorǧy stansiiasynyŋ 15-ı (88%) daiyn. Qalǧan 2 stansiiada jūmys 25 qyrküiekke deiın aiaqtalady.
Nysandardyŋ jūmysymen tanysqan Mūrat Düisenbekūly jauapty azamattarǧa belgılengen merzımde tūrǧyndardy sapaly jylu energiiasymen qamtamasyz etudı tapsyrdy.
Qalada 479 biudjettık mekeme jūmys ıstep tūr. Onyŋ 271-ı jeke qazandyqtarmen jylytylsa, 208-ı ortalyqtandyrylǧan jylu jüiesıne qosylǧan.
Şymkent qalasy äkımınıŋ baspasöz qyzmetı
