Şymkent qalasynda su basudyŋ aldyn alu maqsatynda irrigasiia jüielerınıŋ negızgı arteriiasy sanalatyn Jaŋa Şek kanalynyŋ Kazbakaleitorgtan Aimautov köşesıne deiıngı arnasynda kürdelı jöndeu jūmystary jürgızılıp jatyr. Arna ūzyndyǧy 11,8 şaqyrymdy qūrasa, biyl sonyŋ 4,4 şaqyrymyna kürdelı jöndeu jūmystary jürgızılıp jatyr. Atalǧan kürdelı jöndeu jūmystary qaraşa aiynda aiaqtalady.
Sonymen qatar, arnaiy mamandar ūzyndyǧy 97,7 şaqyrym keletın 9 özen-kanaldy jäne ortalyq köşe boiyndaǧy 485 şaqyrym irrigisiialyq jüielerge sanitarlyq tazalau jūmystaryn jürgızıp jatyr. Olardyŋ atarynda Qoşqar ata, Qara su özenderı men Aqsai Qarabastau, Şymkent, Jaŋa Şek, Kompas, Toǧys, Sasyq, Yntymaq kanaldary bar.
Jyl basynan berı 48,2 km özen arnalary tazalandy. Onyŋ ışınde 31,7 şaqyrym özen-kanal arnalaryny qolmen tazalanǧan bolsa, al 16,5 şaqyrymyna mehanikalyq tazalau jürgızgen.
Būdan bölek, su alu qauıpı bar 32 mekenjaiǧa 14,2 şaqyrym irrigasiialyq jüie salu jūmystaryna biudjetten qarjy qaralyp, jūmystar jürgızılude. Atalǧan jūmystar nätijesınde Bäidıbek bi köşesındegı «Altyn sarai» toihanasynyŋ aldy, Tölemetov köşesındegı Aibol aialdamasy, Babaşūly köşesındegı №115 mekteptıŋ aldy, Köşerov köşesı, Jıbek joly köşesı Tesık köpır ötkelındegı mäseleler şeşımın tappaq.
Şymkent qalasy äkımınıŋ baspasöz qyzmetı
