Būl jönınde Şymkent qalasynyŋ äkımı Mūrat Äitenovtıŋ M.Äuezov atyndaǧy OQU ūjymymen kezdesuı kezınde belgılı boldy.
Tehnika ǧylymdarynyŋ kandidaty, «Auyl şaruaşylyǧy öndırısın mehanikalandyru» ǧylymi-zertteu zerthanasynyŋ meŋgeruşısı Berdiiar Qalymbetov «Aqyldy auyl şaruaşylyǧy» konsepsiiasyn daiyndap jatqanyn, jyl soŋyna qarai qala basşysynyŋ nazaryna ūsynatynyn aitty.
«Sızdıŋ tapsyrmaŋyzben qala maŋynda «Aqyldy auyl şaruaşylyǧy» dep atalatyn mekeme qūrudy ūsynamyn. Ol bızdıŋ universitettıŋ ǧalymdary jasap şyǧarǧan eŋ jaŋa tehnologiialar men sifrly maşinalardyŋ barlyq mümkındıkterın bırıktıruı tiıs. Onyŋ qūramynda «Aqyldy dala», «Aqyldy ferma», «Aqyldy jylyjai» jäne «Aqyldy bau» degen bölımşeler bolady. Būnyŋ ärbırı jeke-jeke joba. Bız barlyq 5 baǧyt boiynşa jūmys ıstegımız keledı. Jyl soŋynda osy konsepsiiany Sızge ūsynsaq, körıp, bekıtıp beruıŋızdı jäne qoldau körsetuıŋızdı sūraimyz», - dedı ol.
Öz kezegınde qala äkımı būl jobalarǧa käsıpkerlerdı tartu qajettıgın jetkızdı. Iаǧni, ǧylymi jaŋalyqtarǧa biznes qauymdastyqtyŋ nazaryn audaryp, bırıkken investisiialyq jobalardy jüzege asyru kerektıgın aitty.
«Qalaǧa öte qajettı, maŋyzdy jūmysty bastap ketıpsızder. Bız qoldaimyz. Aldaǧy uaqytta taǧy da kezdesıp, aqyldasu qajet»,- dedı qala äkımı.
Sondai-aq, Berdiiar Esbatyrūlynyŋ aituynşa, bızdıŋ öŋırde bır jyldyŋ 210 künı jyly, şuaqty bolyp tūrady. Sony tiımdı paidalanyp, kökönıs şaruaşylyǧynda 1 jylda 3 ret önım jinauǧa bolady eken. Ǧalymdar onyŋ da arnaiy tehnologiiasyn jasap şyǧypty.
Aita keteiık, Berdiiar Qalymbetov jaŋa, jetılgen tehnika men tehnologiialardy jasauǧa qomaqty üles qosqan jäne «Qazaqstan Respublikasy ǧylymynyŋ damuyna sıŋırgen eŋbegı üşın» medalımen marapattalǧan. Ol 7 ǧylymi joba men baǧdarlamanyŋ jetekşısı bolǧan. Bügınde onyŋ törteuı aiaqtalyp, nätijesı öndırıske engızılgen.
Şymkent qalasy äkımınıŋ baspasöz qyzmetı
