Atyşuly «Astana LRT» lauazymdy tūlǧalarynyŋ ısı sotqa joldandy

«Astana LRT» kompaniiasy lauazymdy adamdarynyŋ  ısı sotqa joldandy. Mūny Sybailas jemqorlyqqa qarsy ıs-qimyl agenttıgı 1-şı departamentınıŋ asa maŋyzdy ıster jönındegı tergeuşısı Daniiar Bekaidarov mälım ettı, dep habarlaidy "Adyrna" tılşısı. «Sybailas jemqorlyqqa qarsy qyzmet jeŋıl relstı kölık jobasyn ıske asyru kezınde 5,8 mlrd teŋgenı jymqyru faktısı boiynşa Nūr-Sūltan qalasy äkımdıgınıŋ, «Astana LRT» JŞS jäne basqalardyŋ lauazymdy adamdaryna qatysty qylmystyq ıstı aiaqtap, ol sotqa joldandy. Sotqa barlyǧy 7 adam berıldı. Q.Sūltanbekov jäne T. Ardan «küzetpen ūstau» būltartpau şarasymen halyqaralyq ızdeude. QR QPK 201- babynyŋ tärtıbımen jäne tergeu müddesıne säikes özge aqparat jariialauǧa jatpaidy», - dedı ol onlain brifingte Daniiar Bekaidarov. Aita keteiık, atyşuly joba 2009 jyly İmanǧali Tasmaǧambetovtyŋ elorda äkımı bolyp tūrǧan kezınde bastalǧan. Metronyŋ ūzyndyǧy 41 şaqyrym bolyp bekıtılgen. Al 2015 jyly Tasmaǧambetovtyŋ ornyna kelgen Jaqsybekov būl jobany EXPO 2017 halyqaralyq körme tūsynda paidalanuǧa beremız dep uäde etken. Arada bır jyl ötkende qala äkımınıŋ orynbasary Sergei Horoşun jurnalisterge LRT qūrylysy 2017 jylǧa deiın salynyp ülgermeitının aitty. Äkımnıŋ sözınşe, bır jyl boiy qūjattarǧa qol qoiumen uaqyt ötkızgen. Bas qalanyŋ äkımdıgıne Äset İsekeşov (2017 jyl - red.) kelgennen keiın  LRT ainalasynda sybailas jemqorlyqqa qatysty äŋgıme örbıdı.  Äset İsekeşev «Astana LRT» JŞS qūrylysyn  baqylau maqsatynda  «LRT Construction» JŞS dep atalatyn jaŋa kompaniia qūrdy. Elbasy Nūrsūltan Nazarbaevqa hat joldanyp, jobanyŋ qūny qysqartylǧanyn mälımdedı. Saǧyzşa sozylǧan qūrylys 2019 jyldyŋ jeltoqsanynda paidalanatyny habarlandy. Bıraq Nūr-Sūltanǧa äkım bolyp kelgen Baqyt Sūltanov LRT jobasynyŋ toqtap qalǧanyn aitty. 2019 jyly mamyrda QR Premer-ministrınıŋ orynbasary Älihan Smailov LRT jobasynyŋ qūrylysy 2020 jyldyŋ 1 qyrküiegıne qarai aiaqtalatynyn aitty. Al äkım Altai Kölgınov jeltoqsan aiynda jobanyŋ tolyq aiaqtalatynyn, bıraq uaqytyn aitpady. Äkım alǧaşqyda 1,9 mlrd dollorǧa baǧalanǧan jobanyŋ 1,2 mlrd dollary ünemdelgenın jetkızdı. "Mamandarmen eseptep, bastapqy kezeŋde 10 minut jetkılıktı dep şeştık. Odan keiın jiırek bola bastaidy. Jer asty ötkelderdıŋ de sanyn qysqarttyp, nätijesınde 350 mln teŋge qarajat ünemdedık. Jalpy ünem kölemı şamamen 1,2 mlrd dollardy qūraidy. Körıp otyrǧandaryŋyzdai, joba bırşama arzandady. Tolyqtai alǧanda LRT-ny salyp bıtıru mındetı tūr. Sebebı köptegen dünie jasalyp, infraqūrylym tartylyp qoiylǧan,"- dedı äkım. Qazır metro jolynyŋ ūzyndyǧy – 22 şaqyrym.