Keşe Mäjılıs töraǧasy Nūrlan Nyǧmatulin medisina qyzmetkerlerıne ötemaqyny tolyǧymen jäne uaqytynda töleu maŋyzdy ekenın aityp, Densaulyq saqtau ministrı Aleksei Soidy synaǧan edı. Bas därıger būl synǧa jauap berdı. Nazarlaryŋyzǧa syn men oǧan berılgen jauapty ūsynamyz.
Nūrlan Nyǧmatulin: Densaulyq saqtau ministrlıgı jariialaǧan aqparat – sandardy sapyru
22 qyrküiektegı jaǧdai boiynşa koronavirus ındetetıne şaldyqqan därıgerlerdıŋ jalpy sanynyŋ 14%-dan astamyna ǧana, sonymen bırge qaitys bolǧan medisina qyzmetkerlerınıŋ otbasylarynyŋ 13%-ǧa jeter-jetpesıne ǧana tölem jürgızılgen. Indetke şaldyqqan medisina qyzmetkerlerı men qaitys bolǧandardyŋ otbasylarynyŋ tölemaqysyna qatysty, anyqtap aitqanda, tölenbeu jaǧdaiy qūzyrly ministrlıkterdıŋ äleumettık bölımderı arasynda özara ıs-qimyldyŋ joqtyǧy men oilastyrylmaǧan qadamdarynyŋ nätijesı. Endı qazır pandemiia kezınde medisina qyzmetkerlerın qoldau turaly Prezidenttıŋ tapsyrmalaryn oryndau üşın barlyq jıberılgen olqylyqtardyŋ ornyn toltyru maŋyzdy. Eger ötken 6 ai ışınde 2 475 ötınım berılse, soŋǧy sanauly künder ışınde 1 589 ötınım berılgen. Iаǧni, berılgen ötımder sany 1,6 esege artyp, al ötemaqy tölengen adamdar sany 2 esege deiın ösken. Alty ai boiynda barlyǧy 1 830 dertke şaldyqqan därıgerler ötemaqyǧa ie bolsa, al soŋǧy bıraz künde 1665 därıgerge tölemaqy berıp ülgergen. Qaitys bolǧan medisina qyzmetkerlerınıŋ otbasylaryna ötemaqy töleu boiynşa da jaǧdai osyndai. Sız qazırgı jaǧdai talaptaryna müldem jauap bere almaityn 2015 jylǧy būiryqty oilanbastan köşıru arqyly jaǧdaidy qiyndatyp otyrǧanyŋyzdy tüsınesız be? Osynyŋ saldarynan jergılıktı jerlerdegı öŋırlık komissiialar tiımdı jūmys ıstei almaidy. Öitkenı, olarǧa köptegen qūjattardy qarau qajet. Adamdar auyryp, onyŋ üstıne älı de qalpyna kele almai jatyp, 43 qosymşalar jinauy kerek. Osy räsımdı jeŋıldetuge bolatyn edı ǧoi. Būny erterek jasauǧa ne kederge boldy? Demek, nemqūraily qaraǧansyzdar. Komissiia qūru kezınde de nemqūraidylyq bar. 17 aimaq boiynşa tek 5 qana aimaqta komissiia qūrylǧan. Al, talap boiynşa säuır, mamyr ailarynda taǧy – 4, mausym aiynda – 5 komissiia qūrylu kerek bolatyn. Osyndai maŋyzdy mäselelerdı şeşuge tıkelei qatysy bar – vise-premerden bastap ministrlıktıŋ är qyzmetkerı – ärbır sannyŋ artynda qiyn jaǧdaida jūmys ıstegen, al keibırı jaqyndarynan airylǧan adamdar tūrǧanyn tüsınuge tiıs. Endı olar özderıne tiıstı aqşany alu üşın tabaldyryq tozdyryp, köptegen qaǧazdardy toltyrady. Būl – tıptı qarapaiym adami közqaraspen qaraǧannyŋ özınde dūrys qadam emes.Aleksei Soi: Därıgerlerge tölem jasauǧa ötınış beru kezınde qiyndyqtar boldy
Elımız boiynşa 12 830 medisina qyzmetkerı koronavirus pen pnevmaniia infeksiiasyn jūqtyrdy. Aimaqtyq komissiialarda 8333 ötınış qaralyp, 5626 ötınış rastalǧan. Tölemdı 3605 qyzmetker aldy. Sebebı, därıgerlerge tölem jasau kezınde köptegen zaŋ būzuşylyqqa jol berıledı. Mysaly, aimaqtar Densaulyq saqtau ministrlıgınıŋ bazasyna 958 ötınıştı müldem engızbegen. 567 ötınış Densaulyq saqtau ministrlıgınıŋ aqparattyq jüiesımen qabyldanbady. Sonyŋ ışınde Atyrau oblysynyŋ 188, Şyǧys Qazaqstannyŋ 151, Almatynyŋ 97, Qyzylordanyŋ 37, Nūr-Sūltannyŋ 22 medisina qyzmetkerınıŋ ötınışterı kerı qaitarylyp, tölemaqydan qaǧyldy. Tölemaqy ala almaudyŋ eŋ köp aiqyndalǧany – nauqastardyŋ diagnozy elektrondy tızımde tabylmaǧan. Sonymen qatar ötkızgen qūjattary tolyq bolmaǧan. 265 ötınış Memlekettık saqtandyru qorynan (MSQ) bas tartqany üşın qanaǧattandyrylmady. Medisina qyzmetkerlerınıŋ qaitys boluyna orai berıletın ötemaqy da osyndai jaǧdailarǧa bailanysty berılmegen. Öŋırlık komissiialar 80 ötınıştı qarap, onyŋ 55-ın maqūldaǧan. 12 ötınış Densaulyq saqtau men Eŋbek ministrlıgı deŋgeiındegı mälımetterdıŋ bolmauynan qabyldanbady. Bız memleket basşysynyŋ ärıptesterımızge ötemaqy töleu jönındegı tapsyrmasynyŋ sapaly oryndaluyna kedergı bolatyn bırqatar maŋyzdy mäselelerdı anyqtadyq jäne talqyladyq. Aurudyŋ örşuı mausym-şılde ailarynda boldy. Medisina qyzmetkerlerınıŋ 75 paiyzy osy kezde auyryp qaldy. Adam resursynyŋ jetıspeuşılıgı (köp adam auyrǧasyn - red.) infeksiia jaǧdaiyn uaqytyly saralauǧa mümkındık bermedı. Klinikalyq hattamalardyŋ jiı qaita qaraluy men (13 ret qaita qaralǧan) kodtau kezınde bırıŋǧai täsılder bolǧan joq. Mamandardyŋ jetıspeuşılıgınen, jeke qūjattar men JSN jäne bank şottarynyŋ dūrys berılmeuı saldarynan bıraz qiyndyqtar tuyndady. Ministrlık joǧarydaǧy jaǧdailardy şeşu üşın onlain rejimınde ısteitın jūmysşy tobyn qūrdy. Tiptık qatelıkterdı taldauǧa arnalǧan keŋes ötkızıp, aurulardyŋ kodtaluy tüsındırıldı. Osy jūmystar qabyldanǧan ötınışterdıŋ sanyn ekı ese azaituǧa mümkındık berdı.Aita keteiık, medisina qyzmetkerlerınıŋ mäselesı «Nur Otan» partiiasynyŋ Mäjılıstegı fraksiiasynyŋ keŋeitılgen otyrysynda köterıldı.
"Adyrna" ūlttyq portaly