Qazaqstan Syrtqy ıster ministrlıgınıŋ būrynǧy jauapty hatşysy Anarbek Qaraşevtıŋ ısı boiynşa jaŋa derekter paida boldy, - dep habarlaidy «Adyrna» ūlttyq portaly inbusiness.kz saityna sılteme jasap.
Atameken Business telearnasynyŋ habarlauynşa, Anarbek Qaraşev ŞYŪ, EurAzEQ jäne Astanalyq prosess dep atalatyn Siriia kelıssözderı siiaqty maŋyzdy halyqaralyq ıs- şaralardy ūiymdastyru boiynşa qyzmet körsetu şarttaryn jasaǧany üşın para alǧan.
Osy qyzmetterdıŋ barlyǧy üşın eks-jauapty hatşy 52 million teŋge para alǧan. Onyŋ 7 million 400 myŋ teŋgesı Qaraşev barǧan saunalar men meiramhanalarǧa jūmsalǧan. Sondai-aq, sot barlyq ıste Syrtqy ıster ministrlıgınıŋ būrynǧy qyzmetkerıne taǧy 4 adamnyŋ kömekteskenın däleldedı. Olar 2 jyldan 5 jylǧa deiın bas bostandyǧynan aiyryldy. Syrtqy ıster ministrlıgınıŋ būrynǧy jauapty hatşysy Anarbek Qaraşev pen Qazaqstannyŋ Özbekstandaǧy elşısı Erık Ötembaev ekı jylǧa bas bostandyǧynan aiyryldy.
Eske salaiyq, Anarbek Qaraşevtıŋ ükımı 2020 jyldyŋ 21 qyrküiegınde şyqqan. Bastapqyda Qaraşevtıŋ äreketı elşılık ǧimaratynyŋ qūrylysyna bölıngen qarajatty jymqyru retınde qarastyrylǧan bolatyn. Alaida keiın sot olardyŋ äreketın bilıktı terıs paidalanuǧa jatqyzdy.
Foto aşyq derekközden alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz