Almatylyq boijetkendı äleumettık jelı arqyly tanysqan jıgıtsymaǧy zorlap ketken, dep habarlaidy «Adyrna» ūlttyq portaly «Astana TV» arnasyna sılteme jasap. Jäbırlenuşı polisiiaǧa aryz jazǧan. Bıraq ol qyzmetkerlerdıŋ küdıktını ūstauǧa asa qūlşynyp otyrmaǧanyna alaŋdauly. Qazırgı taŋda jäbırlenuşı qoǧamdyq qormen bırlesıp, prokuraturaǧa aryz tüsırgen. Qordyŋ ökılderı kün sanap qorlyq körgen qyz-kelınşekter artyp kele jatqanyn atap öttı.
22 jastaǧy almatylyq boijetken qyrküiektıŋ 24-ı, tünde bolǧan jaitty älı qorqynyşpen eske alady. Ol äleumettık jelı arqyly jıgıtpen tanysyp, ekı aidai hat-habar almasyp tūrǧan. Äbden senımge kırgen soŋ, jıgıtpen kezdesuge barǧanyn aitty. Bıraq jelıdegı serıge artylǧan senım aqtalmaǧan.
«Bız saiabaqta äŋgımelesıp otyrǧanda,ol menı ūryp jıberdı. Qarsylysuǧa küşım jetken joq»,-deidı jäbırlenuşı.Jıgıt qaitar jolda boijetkendı tört märte qylqyndyrǧan. «Apta bastalǧaly däl osyndai tört jaǧdai kelıp tüstı. Sızderdı qyzyqtyrǧan boijetkennıŋ oqiǧasyna keletın bolsaq, küdıktı jıgıt ony zorlap qana qoimai öltırgısı kelgenın de aŋǧaruǧa bolady. Polisiiaǧa aryz jazyldy. Bıraq küdıktı älı erkındıkte jür»,-dep habarlady "Ne molchi" qoǧamdyq qorynyŋ negızın saluşy Dina SMAİLOVA. Polisiia küdıktınıŋ bostandyqta jürgenın rastady. Qūzyrly departament qazır atalǧan jaǧdai boiynşa tergeudı bastaǧan. Aryz tüsısımen, küdıktı ūstalyp jauap alynǧanyn mälım ettı. Tergeu talaptaryna säikes özge aqparattardy jariialaudan bas tartty.
«Adyrna» ūlttyq portaly
