Şymkenttıkter tūrǧylyqty jerı boiynşa onlain arqyly jiı tırkele bastady

Jyl basynan berı Şymkent qalasynyŋ halyqqa qyzmet körsetu ortalyqtary arqyly üş myŋǧa juyq azamat tūrǧylyqty jerı boiynşa tırkelgen. 2020 jyly egov.kz portalyndaǧy «Qazaqstan Respublikasy azamattaryn tūrǧylyqty jer boiynşa tırkeu» qyzmetıne sūranys ekı esege juyq öskenı baiqalady. Pandemiia elektrondy qyzmetterdıŋ damuyna ülken serpın berdı. Eger būryn ülkenı de, kışısı de qarapaiym anyqtamalar üşın halyqqa qyzmet körsetu ortalyǧyna barudy jön köretın bolsa, karantin jaǧdaiynda densaulyqtaryna alaŋdaǧan azamattar memlekettık qyzmetterdı öz betınşe onlain türde ala bastady. «Azamattarǧa arnalǧan ükımet» memlekettık korporasiiasynyŋ Şymkent qalasyndaǧy baspasöz hatşysy Altynai Tataevanyŋ aituynşa, ol qyzmettı paidalanu üşın,tūrǧyn üi iesı men onda tırkelu nietın bıldırgen azamatta elektrondyq sifrlyq qoltaŋba (ESQ) nemese sms-parol kömegımen (mobildı azamattar bazasynda tırkeudıŋ boluy mındettı) portalda avtorizasiiadan ötuı qajet. - Ötınış beruşı –jyljymaityn mülık iesı bolsa, ötınımdı toltyryp, sodan keiın ESQ-men nemese SMS-parol arqyly qol qoiuy jetkılıktı. Tūrǧyn üidıŋ menşık iesı üşınşı tarap bolǧan jaǧdaida, ötınış beruşı menşık iesınıŋ JSN-yn, jyljymaityn mülıktıŋ mekenjaiyn, uaqytşa tırkeludıŋ merzımın körsetuı jäne menşık iesınıŋ jeke kabinetıne kelıp tüsetın sūrau saludy jıberuı qajet. Tırkeluşı azamat ötınış jasap, mülık iesı ony rastauy qajet - dedı Altynai Tataeva. Memlekettık qyzmettı Egov.kz elektrondy ükımet portalynda «Tūrǧyndardy tırkeu qyzmetın «Azamattyq, migrasiia jäne immigrasiia» – «Halyqty tırkeu jäne tırkeu esebınen şyǧaru» bölımınen tabuǧa bolady. Osydan keiın, ötınım QR IIM jüiesıne tüsedı, onyŋ öŋdeluıne 10 minuttan asa uaqyt ketedı. Öŋdelıp bolǧan soŋ, portalda «Mekenjaidyŋ tırkeluı sättı türde öttı» degen märebe körsetıledı. Tırkelu turaly aqparat azamattyŋ Jeke kabinetınde körsetıledı. "Azamattarǧa arnalǧan ükımet" MK KEAQ Şymkent q. boiynşa filialynyŋ baspasöz qyzmetı