Şymkent qalasynyŋ äkımı Mūrat Äitenov azamattardyŋ jeke sūraqtary boiynşa onlain qabyldau ötkızdı. Bügıngı ötken onlain qabyldauda azamattardyŋ basym bölıgı jol mäselesın qozǧady.
Solardyŋ bırı – qala tūrǧyny Jaqsylyq Eltaev. Ol Gagarin, Qūrtaev, Arystandy köşelerındegı jöndeu jūmystary jönınde sūrady.
Mūrat Äitenov Gagarin köşesınıŋ ortaşa jöndeu jūmystary aiaqtalǧanyn jetkızdı.
- Bügıngı taŋda Gagarin köşesınıŋ Abai daŋǧylynan Ermat ata köşesı aralyǧynda jöndeu jūmystary tolyǧymen aiaqtalǧan. Alaida älı qabyldanǧan joq. Al, Qūrtaev köşesınıŋ jalǧasynda tegısteu jūmystary jürgızıldı. Asfaltbeton qabaty salynǧan. 1 qazanǧa deiın tolyq aiaqtalady, - dedı şahar basşysy.
Sondai-aq, Arystandy köşesınıŋ ortaşa jöndeu jūmystaryna qarjy böludı qarastyru maqsatynda sala basşylaryna tapsyrma berdı.
Odan özge, azamattardy qabyldau barysynda köterılgen mäseleler boiynşa bırşama şeşımder şyǧaryldy.
Atap aitqanda, Jailau şaǧyn audanyndaǧy S.Ahmetov köşesıne osy jyly qaraşa aiyna deiın asfalt töseletın boldy. Al, №125 mektepten bastalatyn Polevaia köşesıne ortaşa jöndeu jūmystaryn jürgızu üşın, smetalyq qūjattama äzırlenıp, keler jylǧa qarjy böluge ūsynys engızıletın boldy.
Şymkent qalasy äkımınıŋ baspasöz qyzmetı
