Shymkent qalasynyń ákimi Murat Áıtenov azamattardyń jeke suraqtary boıynsha onlaın qabyldaý ótkizdi. Búgingi ótken onlaın qabyldaýda azamattardyń basym bóligi jol máselesin qozǵady.
Solardyń biri – qala turǵyny Jaqsylyq Eltaev. Ol Gagarın, Qurtaev, Arystandy kóshelerindegi jóndeý jumystary jóninde surady.
Murat Áıtenov Gagarın kóshesiniń ortasha jóndeý jumystary aıaqtalǵanyn jetkizdi.
- Búgingi tańda Gagarın kóshesiniń Abaı dańǵylynan Ermat ata kóshesi aralyǵynda jóndeý jumystary tolyǵymen aıaqtalǵan. Alaıda áli qabyldanǵan joq. Al, Qurtaev kóshesiniń jalǵasynda tegisteý jumystary júrgizildi. Asfaltbeton qabaty salynǵan. 1 qazanǵa deıin tolyq aıaqtalady, - dedi shahar basshysy.
Sondaı-aq, Arystandy kóshesiniń ortasha jóndeý jumystaryna qarjy bólýdi qarastyrý maqsatynda sala basshylaryna tapsyrma berdi.
Odan ózge, azamattardy qabyldaý barysynda kóterilgen máseleler boıynsha birshama sheshimder shyǵaryldy.
Atap aıtqanda, Jaılaý shaǵyn aýdanyndaǵy S.Ahmetov kóshesine osy jyly qarasha aıyna deıin asfalt tóseletin boldy. Al, №125 mektepten bastalatyn Polevaıa kóshesine ortasha jóndeý jumystaryn júrgizý úshin, smetalyq qujattama ázirlenip, keler jylǵa qarjy bólýge usynys engiziletin boldy.
Shymkent qalasy ákiminiń baspasóz qyzmeti
