Şymkent qalasynda 26 qyrküiek künı qalalyq onkologiialyq ortalyqta «Aşyq esık» künı öttı. Onda elımızdıŋ üzdık onkolog därıgerlerı qala tūrǧyndaryn qabyldy.
Qaterlı ısıktı erte satysynda anyqtau maqsatynda ötken şaraǧa Qazaq ūlttyq onkologiia jäne radiologiia ǧylymi zerteu institutynyŋ - direktory, m.ǧ.d. Diliara Qaidarova, himioterapevt Oksana Şatkovskaia, mammologiia ortalyǧynyŋ meŋgeruşısı, m.ǧ.d. Aliia Abdrahmanova, ginekologiia bölımınıŋ meŋgeruşısı, m.ǧ.k. Erlan Kukubasov sekıldı bılıktı mamandar qatysty.
Ortalyqqa därıgerler qabyldauyna 100-ge tarta nauqas kelgen. Tekseru kezınde qaterlı ısıkke kümändı degen alty azamat anyqtaldy. Taǧy 60 tekserıluşıde qaterlı emes ısık tabylsa, 33 nauqasta qaterlı ısık aldy sozylmaly aurulary bar ekenı belgılı boldy.
Anyqtalǧan qaterlı ısıkke kümändı jäne qaterlı emes ısıktı nauqastar qalalyq onkologiialyq ortalyqta em alatyn bolady. Al, sozylmaly qaterlı ısık aldy aurulary baiqalǧan nauqastarǧa keŋes berılıp, jergılıktı uchaskelık terapevterıne em aluǧa jıberıldı.
Medisina qyzmetkerlerı är azamattyŋ öz densaulyǧyna jauapkerşılık qarauy maŋyzy zor ekenın aituda. Äsırese, osyndai şaralarǧa qatysyp, uaqtyly tekseruden ötıp tūrǧan jön.
Jalpy profilaktikalyq, skriningtık tekseruler tūraqty türde ūiymdastyryluda jäne 65 jastan asqan azamattardyŋ densaulyǧy baqylauǧa alynǧan. Būl — maqsatty indikatorlardy jaqsartyp, qaterlı ısıkterdıŋ aldyn aluǧa jäne ölım sanyn azaituǧa mümkındık beredı. Bügınde aq halattylar osy maqsatta aianbai eŋbek etude.
Şymkent qalasy äkımınıŋ baspasöz qyzmetı
