Şymkent qalasynda turizmdı damytu maqsatynda otandyq BAQ ökılderı men turistık operatorlarǧa arnalǧan ekı kündık turisttık-aqparattyq tur ötude. Şarany «FlyArystan» äue kompaniiasynyŋ qoldauymen Şymkent qalasynyŋ turizm basqarmasy ūiymdastyrdy.
Tur barysynda şahardyŋ basty körnektı nysandary men kielı, tarihi oryndaryna, eskı qalaşyq pen etnoauylǧa ekskursiia ūiymdastyryldy. Sonymen qatar, olar gastronomiialyq jäne qyş önerı boiynşa master klasqa qatysty.
Şymkent — turistık maŋyzy öte zor qala. Şahardyŋ infraqūrylymy damyǧan. Ärı ol — Qyrǧyzstan men Özbekstandy Qazaqstannyŋ basqa öŋırlerımen bailanystyratyn ırı ortalyq.
Qalanyŋ 400 şaqyrym radiusynda şamamen 25 million adam tūrady. Osy oraida, Şymkent özınıŋ bäsekelestık artyqşylyqtaryn paidalana otyryp, bükıl oŋtüstık öŋırınıŋ turizmı üşın tırek ortalyqqa ainala alady.
Bügınde qalalyq turizm basqarmasy atalǧan salany odan ärı damytu maqsatynda bırqatar taldau jūmystaryn jürgızgen. Söitıp oqiǧaly turizm, tarihi-mınäjat etu turizmı, medisinalyq turizm jäne ıskerlık turizm sekıldı basym baǧyttardy aiqyndady.
Şymkent qalasy äkımınıŋ baspasöz qyzmetı
