2016 jyldan bergı orta bılım berudı modernizaiialauǧa jūmsalǧan şyǧyndardy Qarjy ministrlıgı tekserudı qolǧa alady. Būl turaly premer ministr Asqar Mämin mälımdedı dep habarlaidy «Adyrna» ūlttyq portaly Pravo.kz-ke sılteme jasap.
Qazaqstan Qarjy ministrlıgınıŋ auditorlary soŋǧy tört jylda orta bılım beru jüiesın jaŋartu, jetıldıru boiynşa el qazynasynan bölıngen milliardttardyŋ qalai jūmsalǧanyn jäne qandai nätijesı baryn tekseredı. Būl tekseru jūmystary 9 qyrküiekte mäjılıs deputaty Jämilä Nūrmanbetovanyŋ saualynan keiın qolǧa alynǧan siiaqty. Esterıŋızde bolsa, sol künı deputat Nūmanbetova e-learning elektrondy oqytu jüiesı üşın Bılım jäne ǧylym ministrlıgıne biudjetten 30 mlrd teŋge bölıngenın aitqan edı. Ökınışke qarai, 30 mlrd teŋge bölıngen būl elektrondy oqytu jüiesı aty bar, zaty joq düniege ainalǧanyn qazırgı kezde közımız jettı. Pandemiia kezınde qaşyqtan oqytu mäselesı aldymyzdan köldeneŋ şyqqanda, kezınde milliardtap aqşa bölıngen e-learning jüiesınıŋ ızın de tappadyq.
Bılım jäne ǧylym ministrlıgıne qatysty deputat Daniia Espanova da qatty syn aityp, qazırgı ministr Ashat Aimaǧambetovtı jauapqa tartudy da sūraǧan edı. Sonymen qatar Esep komitetı 19 qyrküiekte Qazaqstan bılım salasyna Düniejüzılık bankten alynǧan 67 mln dollar zaem qarajatynyŋ qalai jūmsalǧanyn tekserudı qolǧa alatynyn mälımdedı.
«Airandy ışkender qūtylyp, şelek jalaǧandar tūtylmasa» igı edı. Sebebı, 2016 jyldan berı Bılım jäne ǧylym ministrlıgın jalǧyz Ashat Aimaǧambetov basqarmaǧanyn eskersek, onda, osyǧan deiın būl ministrlıktı basqarǧan Aslan Särınjıpov, Erlan Saǧadiev, Küläş Şamşidinova da jauapqa tartylyp, milliardtaǧan qarjynyŋ qaida jäne qalai jūmsalǧanyna esep beredı dep ümıttenemız.
Foto aşyq derekközden alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz