Qazaqstannyŋ barlyq öŋırındegı 3000-ǧa juyq mūǧalım men balabaqşa tärbieşısı inkliuzivtı ortada oqytuǧa üş aptalyq daiyndyq baǧdarlamasy boiynşa bılım aludy bastady. Baǧdarlamany Nazarbaev Universitetı Joǧary bılım beru mektebınıŋ inkliuzivtı bılım beru salasyndaǧy professor-sarapşylardyŋ halyqaralyq komandasy äzırlep, «Dara» qaiyrymdylyq qorymen bırge «Şevron» kompaniiasynyŋ qoldauymen ıske asyruda.
«Būl auqymdy joba ärbır balaǧa, onyŋ ışınde mümkındıkterı şekteulı balalarǧa da sapaly bılım aluǧa kepıldık beru üşın qoǧamdaǧy özgerısterdıŋ jolserıgı bolatyn, inkliuzivtı praktikaǧa yntaly jäne qabılettı pedagogtardy daiarlau arqyly inkliuzivtı bılım jüiesın damytuǧa üles qosady», – deidı jobanyŋ jetekşısı, Nazarbaev Universitetı Joǧary bılım beru mektebınıŋ professory Suloşni Pater.
«İnkliuzivtı bılım berudı qalyptastyru» jobasy QR bılım beru jäne ǧylymdy damytudyŋ 2020-2025 jyldarǧa arnalǧan memlekettık baǧdarlamasynyŋ maqsatyna säikes – barlyq mektepterdı inkliuzivtı etu maqsatyna qol jetkızuge järdemdesetın bolady.
Nazarbaev Universitetınıŋ Joǧary bılım beru mektebınde osy taqyryp boiynşa Qazaqstandaǧy üzdık sarapşylar komandasy jūmys ısteidı. İnkliuziiany damytu baǧytynda ıstegen jūmysymen tanymal «Dara» qorynyŋ mamandarymen bırge olar inkliuzivtı bılım beruge köşu kezınde qoldaudy, bılıktılıktı arttyrudy jäne arnaiy daǧdylardy damytudy qajet etetın pedagogtardy oqytu baǧdarlamasyn äzırledı.
Koronavirus pandemiiasyna bailanysty oqytu onlain formatynda ötedı. Joba komandasy baǧdarlama nätijelerın baǧalau jäne bılıktılıktı arttyrudan ötken pedagogtarǧa odan ärı qoldau körsetu üşın oqudy aiaqtaǧannan keiın offlain kezdesulerdı de josparlap otyr. Sondai-aq, baǧdarlama barysynda mektep direktorlaryna arnaiy treningterı ötedı. BǦM, Altynsarin atyndaǧy Bılım akademiiasynyŋ jäne universitetterdıŋ qatysuymen seminarlar ūiymdastyrylady.
Qazaqstanda jalpy bılım beru mektepterde erekşe qajettılıkterı men densaulyq mümkındıkterı şekteulı balalardyŋ sany ösude. Alaida, būl prosess öte baiau jürıp jatyr, al jürgızılgen zertteuler körsetkendei, mūǧalımder inkliuzivtı bılım berudıŋ sättı ıske asyryluyna sense de, olar köbınese barlyq balalardy, äsırese auyr mügedektıgı bar balalardy qūrdastarymen bırge oqytuǧa qarsy tūrady. Sondyqtan mūǧalımderdıŋ közqarasy inkliuzivtı bılım beruge köşudıŋ şeşuşı faktory bolyp sanalady.
"Adyrna" ūlttyq portaly
