Qoǧamda jaŋylysyp jaza basqan jandardyŋ sany az emes. Sondai adamdardyŋ bırı – Almaty qalasy Nauryzbai audanynyŋ tūrǧyny Gülnūr (Öz sūrauy boiynşa esımı özgertılıp jazyldy). Qazır ol bes balanyŋ anasy. Qala şetınde uaqytşa baspana jaldap tūrady. Bırneşe jerde qara jūmys ıstegenımen tapqan-taianǧany bala-şaǧasyn asyrauǧa jete bermeidı. Gülnūr audandyq probasiia bölımınde esepte tūrǧandyqtan, oǧan qylmystyq-atqaru jüiesı tarapynan jiı köŋıl bölınedı.
Osy aptada Nauryzbai audandyq probasiia bölımınıŋ aǧa inspektory Zamir Beisenbetov, inspektor Näzira Abserova, «Mäŋgılık Qazaqstan» qoǧamdyq qory direktorynyŋ mındetın atqaruşy Beibıt Nälıbaev Gülnūrdyŋ janūiasyna at basyn būryp, olarǧa azyq-tülık qorjynyn tabys ettı. Qonaqtardyŋ qaiyrymdylyq tartuyn qabyl alǧan şaŋyraq iesı öz rizaşylyq bıldırıp, «Oramal ton bolmasa da, jol bolady» degen. Osyndai kömekter bızdıŋ tūrmysymyzdy äldeqaida jeŋıldetedı. Bızdıŋ bır ailyq şyǧynymyzdyŋ ornyn toltyryp otyrsyzdar. Rahmet sıderge» dep alǧysyn bıldırdı. Al aǧa inspektor Z.Beisenbetov äleumettık kömekke mūqtaj jandardyŋ audanda älı de barşylyq ekenın jasyrmady. «Būryn sotty bolǧan adamdardyŋ jūmys tabuy qiyn. Olardy jūmys beruşıler oŋailyqpen jūmysqa qabyldai qoimaidy. Sol sebeptı olar ärtürlı qara jūmystardy ıstep küneltedı» deidı ol. Al qor jetekşısı Beibıt Nälıbaevtyŋ sözınşe qaiyrymdylyq kömek Almaty qalasy Qoǧamdyq damu basqarmasynyŋ qoldauymen ıske asyp jatyr. «Basqarma türmede jazasyn ötep jatqan jäne bas bostandyǧynan aiyru oryndarynan şyqqan azamattarǧa arnalǧan jobany jüzege asyrudy biyl bızge jüktedı. Osy joba aiasynda psihoäleumettık baǧdarlamalardy ūiymdastyru degen punkt bar. Qaiyrymdylyq kömek osynyŋ aiasynda körsetılıp otyr» deidı jobanyŋ basy qasynda jürgen B.Nälıbaev.
Esterıŋızge sala keteiık, «Mäŋgılık Qazaqstan» qoǧamdyq qory Türkısıb audandyq probasiia bölımınıŋ esebınde tūrǧan azamattarǧa da qaiyrymdyq kömekter körsetkenın jariialaǧanbyz.
N.Nauryzäliev
