Almaty qalasy Qylmystyq-atqaru jüiesı departamentıne qarasty türmelerde jazasyn ötep jatqan jandar üşın «Mäŋgılık Qazaqstan» qoǧamdyq qory arnaiy psihologiialyq trening ūiymdastyrdy. LA-155/6, LA-155/13, LA-155/18 tüzeu mekemelerındegı trening Almaty qalasy Qoǧamdyq damu basqarmasynyŋ qoldauymen öttı.
Barlyq treningtı psihologiia ǧylymdarynyŋ kandidaty, praktik, qaladaǧy Daǧdarysqa qarsy ortalyqtyŋ qyzmetkerı Janna Iаvorskaia jürgızdı. Onyŋ trening jürgızu täsılı kelesıdei: qatysuşylarǧa qalam men qaǧaz ūsynyp belgılı bır taqyrypta suret saldyrady, sosyn suretke qarap otyryp, surettı salǧan adamnyŋ jan-düniesıne baǧa berıp, onyŋ psihologiialyq portretın jasaidy. «Şyn mänınde suretter syr şertedı. Adamdar ışkı köŋıl-küiın barynşa jasyrǧanymen, ol bärıbır ärtürlı kanaldarmen syrtqa şyǧyp, körınıs beredı. Suret salu sondai taptyrmas qūral. Suretten avtordyŋ tıptı jan jarasy, uaiymy, mınez-qūlqy baiqalyp tūrady» deidı psiholog hanym. Treningter aldyn ala belgılengen tärtıppen jürgızıldı. Jazasyn öteuşı suret salǧanymen, avtor retınde özınıŋ aty-jönın körsetpeidı. Būl tūtqyn psihologiialyq qysymǧa ūşyrap qalmasyn dep jasalǧan amal edı. Sebebı suret avtorynyŋ kım ekenı belgılı bolsa, oǧan psihologiialyq portret berılıp jatqanda basqa serıktesterı keleke qyluy da yqtimal edı. J.Iаvorskaianyŋ sözınşe jazasyn ötep jatqan adamdardyŋ ışkı jai-küiı ärtürlı. «Mysaly, men olarǧa kez kelgen aŋ-qūstyŋ, jan-januardyŋ suretın salyŋyzdar degenımde, bır tūtqyn aqqu men qoltyrauynnyŋ suretın qatar saldy. Būl suret avtorynyŋ qanynda tektılık bolǧanyn, alaida ol jaza basyp, boiyndaǧy jaqsy qasietke qiianat jasap alǧanyna ökınetının körsetedı. Taǧy bır türmede trening ötkızgenımde qatysuşylardan kez kelgen ertegı keiıpkerın suretteudı sūradym. Tūtqyndardyŋ bırı orys ertegılerındegı mystan kempırdıŋ üiınıŋ syrtqy körınısın salypty. Menıŋ oiymşa būl surettıŋ avtory köp närsenı jasyratyn tomaǧa-tūiyq kısı. Psihologtar mūndai adamdarmen köp äŋgımelesu qajet. Äitpese erteŋ olar qaita bosap şyqqannan keiın, taǧy da zaŋ būzuy mümkın» deidı ol. Barlyq terningterdıŋ basy-qasynda ūiymdastyryp jürgen «Mäŋgılık Qazaqstan» qoǧamdyq qorynyŋ joba jetekşısı Beibıt Nälıbaevtyŋ aituynşa atalǧan ıs-şaralar Almaty qalasy Qoǧamdyq damu basqarmasynyŋ qoldauymen ıske asyrylyp jatyr eken. «Joba aiasynda psihoäleumettık baǧdarlamalar ūiymdastyru qarastyrylǧan. Psihologiialyq treningter sonyŋ bır parasy. Būdan bölek jazasyn ötep şyqqandarmen de osyndai jūmystar jürgızılıp jatyr» deidı ūiymdastyruşy.N.Nauryzäliev
