Elımızde bır aida 17 835 adam qaitys bolǧan

Qazaqstanda biylǧy tamyzda 17 835 adam qaitys boldy. Būl turaly Qazaqstan statistika komitetınıŋ jaŋarǧan deregınen köruge bolady. Ölım sany byltyrǧy tamyzben salystyrǧanda 1,7 ese ösken dep habarlaidy «Adyrna» ūlttyq portaly Azattyq saityna sılteme jasap. Resmi statistikaǧa säikes, 2018 jylǧy tamyzda 9963 adam, 2019 jylǧy tamyzda 10 477 adam köz jūmǧan. Biyl tamyzda ötken jyldyŋ tamyzyna qaraǧanda 1,7 ese köp adam qaitys bolǧan. Ölım sany mamyr aiynan bastap aldyŋǧy jyldyŋ körsetkışterınen joǧary bolyp keledı. Mäselen 2018-2019 jyldary mamyr aiynda 11 myŋnan astam kısı qaitsa, 2020 jylǧy mamyrda köz jūmǧandar sany 14 myŋnan asqan. Aldyŋǧy jyldary mausym aiynda ortaşa eseppen 10 myŋ adam qaitys bolsa, biyl mausymda 15 myŋǧa juyq adam ölgen. Eŋ ülken körsetkış şılde aiynda tırkeldı. Jetınşı aida elde 28 178 adam qaitys boldy. 2018 jylǧy şıldede 11289, 2019 jylǧy şıldede 12420 adam qaitys bolǧan. Biyl qaŋtar men tamyz aralyǧynda barlyǧy 111 myŋdai adam köz jūmǧan. Byltyr osy aralyqta 89 510 adam qaitys bolǧan. Jergılıktı sarapşylar arasynda qaitys bolu körsetkışınıŋ artuyna koronavirus pandemiiasy äser etuı mümkın degen pıkır bar. Halyqaralyq deŋgeidegı mamandar ölım sanynyŋ artuyna koronavirustyŋ äser etıp otyrǧanyn rastai otyryp, biylǧy körsetkıştıŋ aldyŋǧy jyldardyŋ deregınen aiyrymy tūtastai koronavirus ölımın bıldırmeidı deidı. Iаǧni byltyr 10 myŋ adam qaityp, biyl 17 myŋ adam köz jūmsa, byltyrǧy körsetkışten artylyp tūrǧan 7 myŋ adamnyŋ bärı koronavirustan qaitys bolmauy mümkın. Jūqpaly auru ındetıne qatysty "artyq ölım körsetkışı" degen ūǧym qoldanylady. Būl ūǧymǧa säikes, auru örşıgen tūsta, densaulyq saqtau salasyna artyq salmaq tüsıp, qalypty jaǧdaida emdeletın aurudan qaitys bolatyndar köp boluy mümkın. Sonymen qatar ındettıŋ tarauy jäne karantin şekteulerı adamdardyŋ psihikalyq saulyǧyna äser etıp, suisid deŋgeiın arttyruy yqtimal. Bilık deregı boiynşa, Qazaqstanda epidemiia bastalǧaly barlyǧy 109 094 adamnyŋ koronavirus jūqtyrǧany rastaldy. Onyŋ 1780-ı köz jūmǧan. Sonymen qatar virus jūqtyrǧany rastalǧan, bıraq "ılespe aurudan qaitys boldy" degen jüzdegen adam bar. Olardyŋ deregı koronavirus statistikasyna qosylmai otyr. 24 tamyzda "ılespe aurudan" 556 adamnyŋ qaitys bolǧany aitylǧan. Mūnyŋ bärı Covid testımen rastalǧan derek. El ükımetı 1 tamyzdan berı virus jūqtyrǧany Covid testımen rastalmaǧan koronavirus pnevmoniiasy nauqastarynyŋ esebın jürgızıp keledı. Ekı aidan astam uaqytta elde barlyǧy 35 393 adamǧa koronavirus pnevmoniiasy diagnozy qoiylǧan. Onyŋ 374-ı qaitys bolǧan.