Epidemiialyq jaǧdaiǧa bailanysty jaŋa oqu jyly qaşyqtan oqytu formatynda bastalady.
Osyǧan orai, qaladaǧy internetke mūqtaj mūǧalımder men oquşylarǧa mektepterdegı internet qyzmetıne qaralǧan qarjy esebınen internet jelısıne qosylǧan «ämbebap-nömırler» men qajettı routerler berıletın bolady. Būl turaly jaŋa oqu jylyna daiyndyq boiynşa ötken brifing kezınde qala äkımı Mūrat Äitenov habarlady.
«Qazırgı taŋda mektepter «Bilim Iand» internet platformasynda qaşyqtan oqytuǧa tolyǧymen daiyn. Qaşyqtan bılım beruge ötuge bailanysty 222 050 oquşynyŋ 35%-na, onyŋ ışınde 41 900-ı kompiuterge mūqtaj, 35 798-ı äleumettık kömektı qajet etetın otbasy balalaryna kompiuterlık tehnika men internet qajettılıgı anyqtaldy. Sonymen qatar, äleumettık kömektı qajet etetın 35 798 balany tolyq qamtamyz etu maqsatynda respublikalyq biudjetten 31 160 kompiuterlık tehnika alu üşın 4,8 mlrd. teŋge qarjyǧa sūranys berıldı» - dedı äkım.
Qala basşysy Mūrat Äitenovtıŋ tapsyrmasyna säikes, aǧymdaǧy jyly şılde aiynda 10 975 dana kompiuter satyp alynyp, jalpy kompiuterler sany 20 201-ge jettı. Jergılıktı biudjet esebınen qosymşa taǧy 4 800 kompiuter satyp alu josparlanuda. Mektepterdegı kompiuterlerdı oquşylarǧa uaqytşa beru arqyly 24 955 otbasynyŋ 41 900 balasy kompiutermen qamtylatyn bolady.
Būdan özge, qalamyzdaǧy jalpy 30 kolledj de qaşyqtan oqytu «Smart Nation College» internet platformasynda jürgızıledı.
Qosymşa aita ketsek, kolledjderdegı pedagogikalyq, IT, äleumettık-gumanitarlyq baǧyttardaǧy mamandyqtar tolyq qaşyqtan oqytylady. Al, tehnologiialyq – agrarlyq medisinalyq, öner baǧyttary aralas oqytylady. Iаǧni, leksiialar onlain ötse, zerthanalyq jūmystar men öndırıstık täjıribeler ştattyq rejimde jürgızıledı.
Şymkent qalasy äkımınıŋ baspasöz qyzmetı
