Şymkent qalasynyŋ äkımı Mūrat Äitenov "Eskı qalaşyq" - Sitadelde atqarylyp jatqan jūmystar barysymen tanysty.
Qazaqstan Respublikasynyŋ Tūŋǧyş Prezidentınıŋ Sitadeldı qaita jaŋǧyrtu boiynşa tapsyrmasyna säikes mūnda qyzu jūmystar jürude.
Qazırgı taŋda nysandaǧy ärleu jūmystary – 80 %-ǧa, abattandyru –30 %-ǧa, arheologiialyq jūmystar – 60 %-ǧa aiaqtalyp qalǧan.
Eskı qalaşyqtyŋ batys bölıgınde (podpornye steny), oŋtüstık-batys jäne soltüstık-batys bekınıs qabyrǧalaryn qalpyna keltıru, sondai-aq, panduspen kıru joldary aiaqtalǧan. Sitadel töbeşıgınde jaiau jürgınşıler jolynyŋ, aivannyŋ, hauzdyŋ ǧylymi-restavrasiialyq jūmystary aiaqtalyp, ärleu jūmystary jürgızılıp jatyr.
Jūmysşy top 8 baǧytta muzeilendıru jūmystaryn josparǧa säikes atqaryp jatyr. Olar eskı qalaşyqta tabylǧan eksponattardy muzeige qoiatyn jädıgerlerdı bölu üstınde.
Tarihi nysandaǧy atqarylyp jatqan jūmystarǧa qanyq bolǧan qala äkımı qūrylysty jyl soŋyna deiın aiaqtaudy tapsyrdy.
Şymkent qalasy äkımınıŋ baspasöz qyzmetı
