Elde därıger tapşylyǧy baiqalady, dep habarlaidy «Adyrna» ūlttyq portaly «Astana TV» arnasyna sılteme jasap. Statistikalyq mälımetterge süienetın bolsaq, Qazaqstanda jüz myŋ adamǧa 39 därıgerden keledı. Būl sandar aq halattylardyŋ jetpeitının körsetedı.
Respublikalyq densaulyq saqtaudy damytu ortalyǧy bas direktorynyŋ aituynşa, osy künde 4,5 myŋǧa juyq därıger tapşy. Äsırese qalalyq jerlerge medisina qyzmetkerlerı jetpeidı. Ministrlıktıŋ deregınşe, medisinalyq kadrlarmen qamtamasyz etudıŋ eŋ tömen körsetkışterı: Aqmola, Almaty, Atyrau, Jambyl, Qostanai jäne Türkıstan oblystarynda anyqtalyp otyr. Sonymen qatar, därıgerlerdıŋ azaiuyna mamandardyŋ basqa öŋırlerge köşıp ketuı de sebep bolǧan.
«Kadrlardyŋ tūraqtamauynyŋ negızgı sebepterınıŋ bırı – kadrlardyŋ basqa aimaqtarǧa qonys audaryp ketuı. Bügınde Şyǧys Qazaqstan, Soltüstık Qazaqstan jäne Qaraǧandy oblystarynda medisina kadrlarynyŋ köbısı basqa elderge köşıp jatyr. Soŋǧy üş jyldyqta 3 jarymmyŋ maman şekara asyp ketken. Būl jerde eldıŋ densaulyq saqtau jüiesınıŋ de qatelıgı bar. Olar qyzmetkerlerge qajettı jaǧdai jasamaidy. Kerısınşe, psihoemosionaldyq qysym körsetıp, käsıbi ösuıne kedergı keltıredı»,-deidı QR DSM Respublikalyq Densaulyq saqtaudy damytu ortalyǧynyŋ bas direktory Qanat TÖSEKBAEV.Qazırgı taŋda, köbınese anesteziolog-reanimatologtar men terapevtter tapşy. Koronaviruspen küres maidanynda qajettı epidemiologtar men infeksonister de jetpei jatyr. Mebdikelerge de sūranys joǧary. Būl mamandyq boiynşa elımızde 8,5 myŋdai oryn bos tūr.
«Adyrna» ūlttyq portaly
