Almatynyŋ bas sanitar därıgerı Jandarbek Bekşin Almatyda lokdaun engızıle me degen sūraqqa jauap berdı, - dep habarlaidy "Adyrna" tılşısı.
«Barlyǧy qaladaǧy epidemiologiialyq ahualǧa bailanysty. Halyqqa qauıpsızdık şaralaryn tüsındırudemız. Sonda da zaŋbūzuşylyqtar bolyp jatyr. Eger maskalyq rejim saqtalsa, äleumettık qaşyqtyq küşınde bolsa, adam köp şoǧyrlanǧan jerlerge barmaityn bolsaq, onda epidahual tūraqty bolady. Qazır auru körsetkışın ösırmeu üşın barlyq şara qabyldanyp jatyr. Alaida köp nysandar qauıp tobyna jatady. Būl karaoke, bar, biliard taǧy basqa nysandar. Osyndai nysandarǧa barudy doǧara tūrsaq, lokdaun engızılmeidı», - dedı qalanyŋ bas sanitarlyq därıgerı Jandarbek Bekşin.
Sonymen qatar qalanyŋ bas sanitar därıgerı toptasyp jinalmauǧa, otbasylyq ıs-şara ötkızbeuge şaqyrdy, tūrǧyndarǧa şetelge şyqpauǧa keŋes berdı.
"İnfeksiia jūqtyrǧan azamattarymyzdyŋ basym bölıgı Türkiia, BAÄ men Mysyrdan kelıp jatqany baiqalady. Qazır Reseide, Türkiiada jaǧdaidyŋ qanşalyqty kürdelene tüskenın körıp otyrmyz", – dedı ol.
Soŋǧy mälımetter boiynşa, Almatyda koronavirus jūqtyrǧandar sany 14 539-ǧa jettı, onyŋ ışınde 14 156 adam sauyǧyp ketken. 275 adam qaitys bolǧan.
"Adyrna" ūlttyq portaly
