Prezidentı janyndaǧy Ūlttyq qoǧamdyq senım keŋesınıŋ törtınşı jinalysy öz märesıne jettı. Būl joly Prezident Qasym-Jomart Kemelūly ışkı qonys audaruşylarǧa basa nazar audardy. Atalǧan otyrys qarsaŋynda köşı-qon saiasatyna bailanysty on ūsynys ūsynǧan bolatynmyn. Būl turaly Auyt Mūqibek facebook-tegı paraqşasynda jazdy.
Halqy tyǧyz qonystanǧan Oŋtüstık öŋır tūrǧyndaryn Ükımet aiqyndaǧan aimaqtarǧa qonystandyru jūmysyn jaqsartu üşın Prezident bıryŋǧai qoljetımdı elektrondy aqparattyq baza jasaudy jäne Ükımet aiqyndaǧan oblystarǧa qonys audaryp barǧandarǧa berıletın qarajatty ekı ese köbeitudı tapsyrdy, - dedı ol.Sondai-aq, ol Memleket basşysy qandastarymyzdyŋ baspana kezegıne tūruda kedergı bolyp otyrǧan «Tūrǧyn üi qatynastary turaly» zaŋ men «Halyqtyŋ köşı-qony turaly» zaŋ arasyndaǧy säikessızdık toqtalyp, Ükımet aiqyndaǧan öŋırlerge qonystanǧan qandastarymyzdyŋ «Qandas» märtebesımen tūrǧan baspana kezegın Qazaqstan Respublikasynyŋ azamattyǧyn alǧannan keiın de saqtau turaly tapsyrma bergenın aitty. Būl – qandastarymyzdyŋ Ükımet aiqyndaǧan jetı oblysqa köptep qonystanuyna öte tiımdı şeşım jäne süiınşı sūraityn jaŋalyq dep bılemın.Al syrttan keletın qandastarymyz turaly özge ūsynystarymyz turaly söz bolǧan joq. Men mūny qazırgı pandemiia jaǧdaiymen bailanysty jasalǧan şeşım dep topşyladym. Sebebı qazır şekara jabyq. Qaşan aşylary belgısız. Şetten köşıp kelıp jatqan da eşkım joq.Alla qalasa, ol ūsynystarymyz kelesı otyrysta sözsız qaralady dep senemın, - dedı ol.
