Lýkashenko koronavırýstyń emin "tapty"

3615
Adyrna.kz Telegram

Belorýs prezıdenti Aleksandr Lýkashenko álemniń búkil dáriger, ǵalymdarynyń bas aýrýyna aınalǵan koronavırýstyń emin tapty dep habarlaıdy «Adyrna» ulttyq portaly mk.ru agenttigine silteme jasap.

Belorýs prezıdentiniń sózine sensek, jurtty jappaı karantınge qamap, eldi ábigerge túsirgen atyń óshkir vırýstyń emi kádimgi irimshik eken. Slýkıı aýdanyna barǵan saparynda: «Eger bile bilseńder, irimshik kovıdke arnalǵan eń jaqsy dári», dedi Lýkashenko.

Esterińizde bolsa, Lýkashenko osyǵan deıin bir sózinde koronavırýsty boldyrmaý úshin kúnine azdap araqtan tartyp jiberýdi usynǵan bolatyn. Sonymen qatar Belorýs prezıdenti kovıdke qarsy em sharalar dep saýna, egistikte  traktor aıdaý, hokkeı men ottyń tútinin usynǵan edi.

Al bul joly basqasha «aıan tús» kórgen be, Lýkashenko kovıdti irimshik jep emdeýge bolatynyn aıtady. Jylǵa jýyq ýaqyt myń san dárige túrli tájirıbe jasap, alashapqyn bolyp júrgen ǵalymdar men vakınologtar Lýkashenkonyń bul nusqaýlyǵynan keıin jumystaryn tastap, tarktorǵa otyra ma, álde azdap araqtan urttap kete me, ol jaǵy belgisiz. Áıteýir, koronavırýstyń eń ońaı emin irgemizdegi eldiń prezıdenti «tapqan» sııaqty.

Foto ashyq derekkózden alyndy.

Pikirler