Künı keşe memleket basşysy Qasym-Jomart Toqaevtyŋ qatysuymen Ūlttyq Keŋestıŋ kezektı otyrysy öttı. Alqaly jiynda prezident Soltüstık Qazaqstan oblystaryn qazaqylandyru jūmystaryna nazar audardy. Alaida, Myrzantai Jaqyp terıskeidı qazaqylandyru jūmystarynyŋ älı de bolsa kemşın bolyp jatqanyn aitady.
Memleket basşysy şetten kelgen qandastar soltüstıkke kelse, bırden üi beru kerektıgın aitty. Būl – öte maŋyzdy dünie. Sondai-aq prezident ışkı köşı-qon boiynşa är azamatqa berıletın qarjyny 35 AEK-ten 70 AEK köteru turaly tapsyrma berdı.
Manaş Qozybaev atyndaǧy Soltüstık Qazaqstan universitetı Ǧylym departamentıne qarasty Ǧylymi-ädıstemelık jäne patenttık-lisenziialyq bölımınıŋ jetekşısı Myrzantai Jaqyptyŋ aituynşa, prezidenttıŋ Ūlttyq keŋeste aitqan sözınen keiın köşı-qonǧa bailanysty mäsele özdıgınen şeşılıp ketpeidı. Būdan bölek ol är azamatqa berıletın qarjyny 35-ten 70 AEK köbeitkennen eşteŋe özgermeitının eskerttı.
«Negızı qalaly jerge köşıp kelgen azamatqa 35, al auyldy jerge barǧan azamatqa 25 AEK qarjy tölenedı. Bır AEK 2778 teŋge bolsa, 70 AEK 194 460 teŋge bolady eken. Al auyldy jerge köşıp baratyn azamatqa endı 50 AEK, iaǧni 138 900 teŋge beruı mümkın. Şyn mänısınde, köşıp keluşılerge berıletın atalǧan qarjymen köşı-qon mäselesı oŋ jolǧa tüspeidı. Eŋ bastysy, köşıp kelgen azamattarǧa jergılıktı äkımşılıktıŋ közqarasy özgeruı kerek. Äkımşılık qarjyny bermes būryn azamattardan tūraqty tırkeudı talap etedı. Al tūraqty tırkeuge tūru soltüstık Qazaqstan oblystarynda öte kürdelı. Eŋ basty mäsele – qarajattyŋ kölemın köterude emes», – deidı ol.
Myrzantai Qojabaiūlynyŋ aituynşa, qarjydan būryn azamattardy jūmys jäne tūrǧyn üimen qamatasyz etu – maŋyzdy. Öitkenı, Jūmyspen qamtu ortalyqtary syrttan keletın azamattardy jūmyspen qamtu mäselesıne nemqūraily qaraityn körınedı.
«Elbasynyŋ jan-jaqtaǧy ziialy qauym ökılderın elordaǧa köşırıp äkelu turaly 2005-2007 jäne 2008-2010 jyldarǧa arnalǧan baǧdarlamasy bolǧan. Atalǧan baǧdarlama boiynşa – elımızdıŋ är aimaǧyndaǧy azamattarǧa özı tūryp jatqan qalada üiı bolsa da, olarǧa elordadan üi berıldı. Mıne, sol siiaqty Petropavl qalasyna köşıp keletınderdı üimen qamtamasyz etu kerek. Jiynda Qasym-Jomart Toqaev Elbasy siiaqty jalǧa päter berudı jergılıktı äkımşılıkterge arnaiy tapsyruy kerek edı. Sodan keiın memleket basşysy Jūmyspen qamtu ortalyqtarynyŋ köşıp kelgen adamǧa jügırıp jürıp jūmys tauyp beruın tapsyruy qajet edı. Ökınışke qarai, olar jyly kabinetınen şyqpai, köşıp keluşılerdı tırkegennen basqa eşteŋe ıstep jatqan joq. Bır sözben aitqanda, Prezident azamattardy päter jäne jūmyspen qamtu mäselesın şeşudı tapsyruy kerek edı. Äitpese är azamatqa 70 AEK tūrmaq 7000 AEK qarjy berse de, köşı-qon mäselesı şeşılmeidı. Köşıp kelgen adamǧa eŋ äuelı baspana, sosyn jūmys kerek», – deidı Myrzantai Qojabaiūly.
Aitpaqşy, Qasym-Jomart Toqaev jiynda «Serpın» jobasyna da män berdı. Alaida atalǧan jobanyŋ keler jyly jalǧasa ma, joq pa – ol jaǧy belgısız.
«Prezident keşe «Serpın» jobasy turaly aitty. Alaida 2017-2020 jylǧa arnalǧan «Eŋbek» baǧdarlamasy 2021 jylǧy aiaqtalady. Atalǧan baǧdarlamanyŋ ışıne «Serpın» jobasy kıretın. Demek «Serpın» jobasy biyl aiaqtaluy mümkın. Al memleket basşysy aitqan tapsyrma ıske asu üşın keşendı türde jospar boluy kerek. Jalpy köşı-qon mäselesın «Eŋbek» baǧdarlamasyna qospai, oǧan bölek baǧdarlama arnau kerek. Ūzyn sözdıŋ qysqasy, syrttan jäne ışten keletın oquşylarǧa arnaiy baǧdarlama jasau qajet», – deidı Myrzantai Jaqyp.
Prezident tapsyrmasynan keiın de köş kölıktı bolyp ketpesı anyq. Būl jerde jergılıktı äkımşılıktıŋ är qyzmetkerınıŋ būl ıske qalai qaraityny öte maŋyzdy.
Serık JOLDASBAI,
«Adyrna» ūlttyq portaly.
Foto aşyq derekközden alyndy.
