Ilham Alıev Taýly Qarabahtaǵy atysty toqtatýdyń basty shartyn atady

2354
Adyrna.kz Telegram

Ázirbaıjan prezıdenti Ilham Álıev Fox News-ke bergen suhbatynda: Taýly Qarabaqtaǵy janjaldy beıbit jolmen sheshýge bolady, biraq kóp nárse armıan tarapyna baılanysty, - dep málimdegen. Bul týraly «Adyrna» ulttyq portaly  Lenta.ru-ǵa silteme jasap habarlaıdy.

Suhbat barysynda Ilham Álıev ázirbaıjan men armıandardyń soǵystan keıingi qarym-qatynasyn sıpattap bergen. Onyń pikirinshe, tarıhtan santúrli qandy soǵystardan keıin halyqtardyń birge qatar ómir súrgendigi týraly mysal keltirýge bolady.

Prezıdent: "Germanııa men AQSh bir-birimen jaýlasty. Keńes Odaǵy men Germanııa bir-birimen jaýlasty. Ondaǵan mıllıon adam qaza tapty. Endi qarańyz, bul týraly eshkim esinde saqtap qalmady. Bul arazdyq týdyrmaıdy. Nelikten armıandar men ázirbaıjandar Grýzııa, Reseı, Ýkraına jáne basqa da kóptegen elderdegideı Taýly Qarabaq aımaǵynda birge ómir súre almaıdy?"— dep atap ótken.

Sondaı-aq Ázirbaıjan basshysy Qarabaqtaǵy  qaqtyǵysýshy taraptardyń quqyǵyn buzbaı-aq beıbitshilik  ornatýǵa bolatynyn málimdedi. «Bul logıkalyq negizge, Ázirbaıjannyń aýmaqtyq tutastyǵy men bizdiń elimizdegi armıan halqynyń quqyqtary men múddelerin tolyq qorǵaýǵa negizdelýi kerek. Meniń oıymsha, muny júzege asyrýǵa bolady », - dep qosty Álıev.

Buǵan deıin Ilham Álıev Ázirbaıjan Taýly Qarabaqta atysty toqtatý týraly kelisimge kelýge daıyn ekenin aıtqan. Onyń aıtýynsha, Baký bul qadamǵa Erevan atysty toqtatqan jaǵdaıda barady.

Taýly Qarabaqtaǵy (Arah) jaǵdaı 27 qyrkúıekte kúrt nasharlaǵan bolatyn. Armenııa men Ázirbaıjan 18 qazan jergilikti ýaqyt boıynsha 00:00 boıynsha Taýly Qarabaqtaǵy atysty toqtatý týraly sheshim qabyldady. Alaıda eki jaq ta izin ala bir-birin kelisimdi buzdy dep aıyptady.

Foto ashyq derekkózden alyndy

«Adyrna» ulttyq portaly

Pikirler