Endi aǵylshyn tilin tegin úırenýge sizdiń de múmkindigińiz bar. M.S. Nárikbaev atyndaǵy KAZGIýÝ Ýnıversıteti kópshilikke arnalǵan «KAZGUU.TEA.TALK» dep atalatyn alǵashqy ashyq klýbyn ashty. Áleýmettik joba qatysýshylardyń sóıleý daǵdysyn jetildirýge, praktıkalyq aǵylshyn tili deńgeıin arttyrýǵa baǵyttalǵan dep habarlaıdy «Adyrna» ulttyq portaly Baq.kz saıtyna silteme jasap.
Jobanyń oqý ádistemesi kommýnıkatıvtik tásilge negizdelgen. Qatysýshylar leksıka men grammatıkany túpmátinine qaraı paıdalanyp, sóıleý aldyndaǵy psıhologııalyq kedergilerden qutyla alady.
Joba baǵdarlamasynda Cambridge University Press, Macmillan Academy, National Geographic Publishing, Pearson Education Ltd, Oxford English syndy sapaly ári áıgili oqý baǵdarlamalaryna negizdelgen ádistemeler qoldanylady.
Aǵylshyn tilinde erkin sóıleý úshin oqytýshylar quramynyń tájirıbesi de óte mańyzdy deıdi uıymdastyrýshylar. Sabaqtar legin álemniń eń tanymal ýnıversıtetterin támamdaǵan (Cambridge University, Newcastle University, Leicester University) halyqaralyq sertıfıkattardyń (TKT, CELTA, DELTA, TESOL, IELTS jáne t.b.) ıegerleri júrgizedi.
KAZGIýÝ Joǵary Gýmanıtarlyq Mektebiniń dırektory Anar Ibraeva, bul jobany qoǵam aldyndaǵy áleýmettik jaýapkershilikti sezingendikten bastap otyrmyz deıdi.
Kóptegen adamdar aǵylshyn tilin úırený barysynda óz oıyn jetkizýden qorqady, bizdiń oqytýshylar sóıleý daǵdylaryn jaqsartýǵa, uıalmaı qorqynyshyn jeńýge kómektesedi. Qazirgi tańda aǵylshyn tilin bilý múkindigińdi arttyryp, mansabyńdy tabysty qurýǵa, álemniń eń ozyq oqý oryndarynda oqýyńdy jalǵastyrýǵa múmkindik beredi. Sonymen birge aǵylshyn tili zamanaýy aqparattyq resýrstardyń bárine jol ashady, sebebi dúnıejúzilik mańyzy bar kitaptar men ǵylymı maqalalardyń kóbisi aǵylshyn tilinde jaryq kóredi, - dep atap ótti Anar Ibraeva.
«KAZGUU.TEA.TALK» onlaın-kezdesýine tirkeý bio: bit.ly/zoomteatalk siltemesi arqyly júzege asady. Jobanyń barlyq sabaǵyna qatysqan tyńdaýshylarǵa sertıfıkat tabystalady.
