Soŋǧy jyldary elımızden şetel asyp ketıp jatqan jastar öte köp. Olardyŋ arasynda elımızdıŋ örkendep damuyna ülken üles qosa alatyn örşıl jäne öte talantty jastar men ǧalymdar bar. Jastardyŋ şetelge ketuı nelıkten köbeiıp kettı? QR BǦM "ADAL BILIM" jobalyq keŋsesınıŋ jetekşısı Talǧat NÄRIKBAEV taiauda Qazaqstannan bolaşaǧymyz – jastardyŋ elden ketuın qalai toqtatuǧa bolatyny turaly aqparat qūraldary arqyly mälımdegen-dı.
Eŋ basty sebep – şetelde ömır süru sapasy joǧary jäne bılım beru salasy damyǧan. Būǧan kün saiyn şetelde bılım aludyŋ qoljetımdı bola tüsuın de qosuǧa bolady. Mysaly, Germaniianyŋ joǧary oqu oryndarynda tegın bılım aludyŋ türlı joly qarastyrylǧan. Basqa elderdıŋ de ärtürlı stipendiialyq baǧdarlamalary bar. Ekınşı jaǧynan, Qazaqstanda jaqsy bılım men jūmys täjıribesın aluǧa mümkındık bar. Bız mūny şetelde de bäsekege qabılettı, bükıl älem boiynşa halyqaralyq kompaniialarda tabysty jūmys ısteitın öz studentterımız ben tülekterımızden bılemız. Mysaly, Qazaqstandaǧy keibır myqty jeke menşık joǧary oqu oryndary memlekettık joǧary oqu oryndaryndaǧydai arzan granttardyŋ massasyna ǧana ümıt artu būdan bylai tiımdı bolmaitynyn tüsıne bastady. Mūndai universitetter şetelde bılım alǧan mamandardy tarta otyryp, kadr qūramyn küşeituge tyrysyp keledı. Mysaly, jastardyŋ şetelge ketuın toqtatu maqsatynda QazMZU öz komandasyna üzdık otandyq akademiialyq kadrlar men halyqaralyq bılım beru salasyndaǧy myqty mamandardy bırıktırıp, üzdık oqu oryndarymen bailanys ornatty. Bügıngı taŋda QazMZU-da şetelde bılım alǧan 100-den astam oqytuşy sabaq beredı. Olar Fransiia, Ūlybritaniia, Germaniia, Şveisariia, AQŞ, İspaniia, QHR, Singapur, Kipr, Egipet, Ündıstan, Avstraliia, Bolgariia, Ukraina, Resei, Türkiia siiaqty elderde bılım alǧan. Olardyŋ jartysyna juyǧy Bolaşaq baǧdarlamasynyŋ tülekterı. Olar Garvard, Kembridj, Oksford sekıldı bedeldı joǧary oqu oryndaryn bıtırgen. Olardyŋ erkın jäne şyǧarmaşylyq oilauy joǧary akademiialyq talaptarǧa säikes keledı, sondai-aq qazır olar öz kezegınde studentterdıŋ oilaryn da özgerte alady. Şeteldık bılım beruden basqa, studentterge olardy öz salasyndaǧy eŋ jaqsy mamandar üiretuı kerektıgın de tüsınu maŋyzdy.
Käsıbi salada mūǧalımnıŋ joǧary därejesın obektivtı türde rastaityn ärtürlı bedeldı sertifikattau standarttary bar. Bız aityp otyrǧan QazMZU oqytuşylarynyŋ basym köpşılıgınde TKT, CELTA, DELTA, CFA, ACCA, FRM, SPHRi, CIPD, IPMA, GARP, IABFM halyqaralyq käsıbi sertifikattary bar. Eger bız sapaly bılım beru üşın batys elderı sekıldı elımızdegı professorlarǧa jaǧdai jasai alsaq, onda ziiatker azamattarymyzdyŋ elden ketuın toqtatyp, şeteldık talapkerlerdı Qazaqstanǧa tartyp, būl prosestı oŋtailandyra alamyz.
Foto aşyq derekközden alyndy
Daiyndaǧan Aijan PERDEBEKQYZY
